點幾鐘就訓左了…真係好累！都唔係好記得臨訓前做過咩，只係知道尋日好開心，好累…訓到三點鐘，阿婷打黎。個時我仲曚曚曨曨…但聽到佢把聲好唔開心，知道佢喊過黎，之後就即刻換衫出去搵佢！深夜的街道，人都唔多個…到左佢度，陪左佢一陣。佢成日都諗埋一邊，我知道佢真係好傷心…因為佢失去左好多野。唉…一時間要佢開心返真係無可能，不過都唔想佢咁樣！>_< 傾左計，佢都無咁傷心…之後就坐係床度等佢訓。阿B 就幾時都係咁活躍，無時停…

不要哭 並無做錯事 動情沒有不對

訓到七點幾被佢叫醒，我都訓左成三個鐘…但係都好眼訓。之後同佢搭車黎我度，返到屋企我仲係好眼訓…真係好累！於是再訓，訓到十二點…^^ 不過比老豆入左我間房。十二點梳洗換衫出門口了，去左搭K73，發覺次次同佢搭車一定要追車，今日已經係第二次追車了…哈哈！

落到元朗，訂左個蛋糕…聽日都幾多人返黎，真係估唔到咁多人會得閒返黎。正…之後就行去千色個邊食麵了！本身想去阿Sir 度食，但係阿Sir 去左打機，於是就堂食！食完之後去左Games 搵阿Sir，不過唔見佢，見一場黎到，打返舖機先…唔係打頭文，係度玩篤篤機。只係玩左一蚊雞咁大把…不過都夠了！之後上左去阿Sir 度…

我就係度打PSP o既頭文喇…哈哈！婷就陪慈恩去買野食…期間阿Sir 問左兩個IQ 題，幾有趣的，我諗得一題識！第二題真係估佢唔到…可以問得咁盞鬼。聽完又真係得喎…好正的問題。之後等齊人就開始了，今堂阿Sir 又係度問好多問題…之後阿Sir仲話要苛屎，攪到比牛丸係咁話…haha~ 個樣好好笑！

之後補到咁上下就完了，阿Sir 都要休息…Then 我地送左慈恩搭車之後就返天水圍了，返到去去左百佳買野食，買完之後就送佢返去了，之後我都返屋企！好耐未試過咁早返屋企了，返到屋企開左電腦，之後食左D 粥就開始睇Chem 了，不過睇睇下好累，就係張床度訓左喇，一訓就訓到食飯！不過食得少野，因為之前食左好多粥…食完飯就去睇多陣Chem，不過睇睇下又訓左了！去到十一點幾先醒，之後就沖個涼精神返，一直邊對住電腦邊溫書，雖然係無咩效，不過個人會精神！總好過唔溫走左去訓…而家就係度日記，跟著就繼續睇筆記睇到眼訓為止了！