今日八點半已經起身了，之後賴床賴到九點…起身梳洗整早餐比阿婷！之後就玩陣電腦玩到十一點先出門，落到元朗勁勁勁熱，之後去左七仔買野喝，上到阿Sir 度等阿良到左，阿Sir 仲話唔駛補喇咁晏，個時先知原來今日補十一點，我地遲左九個字…頂！之後係度睇筆記，個個都有野做，不過其實個個都係度等齊人先…

最後打左比慈恩，佢唔舒服，而牛丸又係…得番我地幾個補，係度溫書，溫下O Chem咁。而家好似開始記得返野喇，真係好喇…不過而家阿Sir 真係成日係度串我，仲成日笑我，唉！講錯一句就有排笑喇…真係無奈。之後臨走時打左場Winning，好野，贏二比零。好耐無打喇，都有得贏…真係好喇。

之後行左去食刀削麵…好耐未食過了，始終都係拉麵好味…刀削麵條條都唔同，粗個D 真係好難食，>_< 拉麵條條都一樣，個種口感比刀削好好多…^^食完之後返左學校搵阿鋒佢地，上左課室度溫，個時D 冷氣真係好舒服，攪到我好想訓。之後就訓個時比阿婷捉左去買咖啡，買完返就就搬返D 野落地下溫，因為一黎有位，二黎唔會太凍！喝左咖啡真係精神D，仲拎左D 薯片出黎食…正！

溫到三點幾四點真係好累，訓左一陣…個半個鐘真係好舒服，好想繼續訓，不過可惜點都要溫書喇！又對住D O Chem，真係好悶…但開始慢慢掌握。之後一溫就溫到七點幾，之後出左去買野食…食完野又繼續溫！真係好多野要溫，God…聽日開始要Phy Chem，所以今日一定要完左個O Chem，唔係真係溫唔切。最後九點就走了…真係好累，而家日日都係咁真係好辛苦，不過就黎可捱完，到時真係一身鬆晒，可以盡情地玩。

返到天水圍，去左百佳買野…今日仲送阿婷送到門口添！之後就返屋企了，好野…屋企又有好多我鍾意食o既野喇，正。不過剛剛食飽，無食到…留返聽日早餐！之後就去沖涼，再幫細妹整部電腦…Then 傾左陣電話！阿扁，比心機呀…考埋個試可以有排玩！之後就打日記喇…而家仲好精神，因為罐咖啡…唉！

今日無影相，貼舊相自戀一下…(好想頭髮長返D、薄D)