訓到十點幾十一點，阿婷打黎叫我起身，我自己都估唔到自己可以訓到咁晏…之後就起身，換好晒衫就出去接佢！本黎今日係出去Bape Store同埋銅鑼灣度行架，不過天文台話可以有雨，所以無出到！個天衰衰…變左今日要佢黎我度！佢紮左頭髮，睇黎好似肥左咁…^^"之後同佢行左去銀座間百佳度買野食同埋野食上去我度…好野，而家我間房幾時都有咁多野食，真係好喇…平時我間房都唔會有野食，而家有咁多真係難以置信，媽媽之前仲試過入黎偷食…-_-" D 雪糕擺係出面又會幾日後無晒…>_< 算數

之後我地就Set 好晒野，開左電車男黎睇…第一次睇電車男，慈恩成日都話我似，不過我似果個係電視版果個，而我睇o既係電影版，個男主角初初好傻仔，之後變得好靚仔，套戲好好睇，不過時間太短啦，如果可以睇耐D就好啦，唔怪得個個都話好睇。

睇完之後訓覺啦。 五點幾就送左阿婷去Westrail，行個後路真係太短，好想行耐D。送完佢走，打俾阿鵬，知道佢好擔心我。之後知道左D野，好唔開心，行返屋企個時足足行左一個鐘。途中打俾阿扁同佢傾計，傾左好多野，傾完都仲係好唔開心，不過好左D。最後返到屋企係度聽歌，聽完都係好唔開心，跟著爸爸就返到屋企，叫我幫佢整廁所，同佢兩個人整左好耐都搞唔掂。我就出左去買野整，最後都搞掂啦。

之後婷打俾我話我知佢返啦，個時仲係好唔開心，所以冇胃口食野。跟著打下日記…磨下磨下！之後就出去接阿婷喇…佢見到我個樣，佢係度問我咩事…我都唔知點同佢講好…唉！傾左好耐，先知係誤會…不過我都唔想比人咁講閒話。極之唔鍾意…之後就同佢去左食飯…不過真係無胃口，一D都唔肚餓。但係係被迫的情況下食左幾碗仔…一碟炒飯，兩個人都食唔晒！好似有D 浪費o既感覺。之後就返屋企喇…

返到去，我都係無乜幾句，之後就去左沖涼…沖完涼就學英文喇！而家日日都要學英文…學完英文就係度睇龍珠喇！好野…由第一集開始睇起，不過部電腦有D 壞壞地，所以要用NoteBook 睇，效果唔錯！正~~睇左兩集就已經眼訓了！又去訓教喇…哈哈