今日成十一點幾先起身，計返都訓左成十個幾十一個鐘，真係犀利…估唔到可以訓咁耐！超過左平時訓八個鐘…起身後，整電腦！不過整極隻碟都唔Work…之後食早餐！食完就睇龍珠了…睇左兩三集，阿婷就要走了。之後就送佢返屋企…走個時打比明賢問佢隻XP 碟，之後行過去搵佢，拎完隻碟返屋企係咁整，整極都整唔到！打比佢，佢話之前佢都裝到，但係我次次都係停左係果個畫面，郁都唔郁。激氣…

整左好耐，都係搵唔到，之後就上網搵XP 黎下載，極慢…=_=打比黃進，佢做緊Gym，佢個隻又有Super XP 黎，之後都係試下自己攪下先！下載左五個鐘…攪錯！下載期間無咩野做，就上網係度睇下D 財經金融。爸爸都拎左幾隻碟比我聽，話對我有幫助…不過佢話而家最重要係個筆試…之後開左黎聽，覺得幾得意！之後就上網係咁搵D 股票、證券個D 野睇…雖然唔係好識，不過一定要學！上上下網見到有個人，六歲就已經賣骰蛋，開始賺錢，十八歲開始投資，廿一歲已經有廿萬…-_-" 要學下投資，雖然對Lei 方面係咩認識，但係都要學下。而家的我真係咩都唔識，就連股票點睇都未識，不過一定會去學…

上左好多網係度睇，又Bookmark 左幾個有用的網站…遲下考完試要睇多D！仲有今日阿釗打黎話聽日可以見工…Good！雖然咩都唔知，不過有野做下都唔駛日日係屋企咁無聊！之前仲寄左封求職信去見工添，不過我諗個份都唔會請…點都好，到時先算囉。七點幾都仲未下載完個XP，想死…點解屋企隻XP 會無喇喇唔見左…Shit！下載完諗住Install，但又裝唔到。唔知係唔係隻XP 有問題定部電腦太舊…頂！晒我心機…最後攪左七個鐘都係咩都無攪到！豈有此理…之後等阿婷打完牌我就去接佢了。好彩趕到尾班車…睇左陣龍珠就訓了！佢煮飯都煮到累累…