今日七點鐘要起身，阿婷打黎叫我起身！之後拿拿聲出門口…專車-->西鐵-->地鐵去返工。同埋阿釗、凌進、阿鋒…一去到，行到間公司，阿釗禁門鈴時答個人我地黎見工，之後叫我地坐埋一邊等，等左無耐，要我地填表。個時阿釗先話我地係黎返工，哈…未返工已經擺左個烏籠。之後入左個面試室等填野，已經見到有四五個黎返工o既人係度填緊野，我地四個邊填邊傾計，好多野都唔識填咁，不過好快就填完，之後係度吹水。等左一個鐘度就開始有人入黎介紹喇…之後完晒就係度等人帶我地走，我就要自己一個做喇…不過佢地果個都係自己一個！^^

去左四樓 HE 部，第一眼見到個倉都知咩事，知道這份工幾難做！個倉亂七八糟，做起野上黎都唔起勁。之後阿Roy 帶我周圍行下，叫人教下我做野，佢竟然第一次叫我去做Cut 辦，-_- 新仔咩都唔識，就要Cut，完完全住睇唔明，我就連運作都唔知點，無奈！之後唔識就算了，叫第二個教我…教砌辦，咁就易好多。竟然唔知砌黎做咩，不過佢地話係酩做，就照做！係搵辦就難D，因為個倉真係好亂。砌左一個辦就開Lunch，佢地真係極度準時放Lunch…哈哈！成朝都好似無做過野咁，覺得好無聊…又唔知做咩喎。之後Join 埋阿鋒同埋阿釗…聽到阿釗做收貨，真係羨慕死，但係凌進做o既係影相同埋放入電腦，仲易…Shit！難為我同阿鋒都唔知做咩，成個朝早呆等、呆坐。

Lunch 食野係咁吐苦，真係俾阿昌呃左…Shit！唉…吐完又要返去喇，新仔當然要早D 返咁，點知返到去我連有密碼都唔知！阿鋒同阿釗都知道左，我覺得我自己好似係外人咁，問人駛唔駛打咭又話唔駛，Locker 又無(爛到痺)，連密碼都唔知！好彩個個部門個密碼都係差一個字姐…返到去咩人都未返，坐係度等…成兩點先正式開工！做下做下，唔經唔覺已經四五點，做到無野好做，阿Roy成日巡都見我地D 新人無野做，好唔抵得…係咁想搵野比我地做，不過又搵唔到…哈！跟著就係度聽佢講下公司運作，咁就蛇王左個幾鐘…真係易過！

無耐佢就叫我地去跟人學下野，咁我就係度睇人地做野，係咁學…不過都唔知做咩！之後學學下已經可以收工了…今日都係無咩做過野，係晏就做得最多，其他時間都係坐下企下…咁就一天！之後放工等埋佢地就地鐵-->西鐵-->輕鐵返了…去左阿婷度，因為佢煲左湯，仲食左個飯添！之後見得閒，幫佢洗埋個風扇，成個唔同晒，Good~跟著就行左去惠康入貨，都算買得多野囉，之後佢仲怪我買多左一支甜筒，唔係就剛剛好$100.5…最後攪到埋單多左五蚊！-_-"之後就返屋企了…