亞四、阿正生日快樂…

今日十一點幾阿婷打黎先識起身，尋日真係行左好耐，好累…所以今日訓到咁晏都唔識起身！>_< 之後梳洗完一輪就去左西鐵站等阿婷，點知佢唔搭輕鐵，我就行左過去撞去…之後就一齊係西鐵站Join 埋亞扁佢地！跟著就落屯門了，去到未算係最遲果個，因為個主角仲遲，哈哈…唔算遲到呀！之後就A52 入龍鼓灘了…入到去好熱呀！不過都即刻燒野食了，因為好肚餓…第一次係個度燒。感覺好新鮮，不過野飲就真係好少喇…唉！仲勁口渴添…係咁喝係咁喝，未燒已經喝左支水了…燒野係途中亞四成日都係度扮野，阿婷就走左就回復本性。哈~最鍾意閱讀同埋釣魚…真係無咩人信。

燒到一半，澤兄都黎埋…之後無耐就搬個爐出去燒，因為裡面太熱了…又熱又焗，真係中暑都有份！出到去實直係兩個世界…燒都燒得舒服好多…又涼，又有海！燒到四點幾就出左去玩水了…出左去等左勁耐。等等下無聊係度係咁影相，影左好多相！跟著我就去了，初頭都唔覺得咩一回事，但係玩得激過頭，成身濕晒，最後臨返去個一刻，果條友時快時慢，最後反左，我就趺落水了…係水中等被救，好彩有阿深係度！唔係死梗…之後上返岸，死左一半咁！好好笑，同之前差好遠…我都估唔到會落水，但係真係好難平衡！Shit~

 前    中    後

之後就返返去烘返乾D 衫，之後係咁食野，玩完之後勁餓！最後係咁俾亞四笑…>_<之後食完野就切蛋糕！食完就去左打波…輸晒！諗諗下都有近三四個月未打過了…打完之後就影下相就走了！返個時亞四都仲係笑我…唉。豈有此理…之後就送阿婷返去，我之後返返屋企沖涼！雖然係好累，不過都去左洗衫、褲…阿婷好快就訓左了！我就去左細妹間房打日記…不過打得幾隻字就好想去訓了…