朝早八點幾九點阿婷就打黎叫醒我喇，個時我仲係度熟睡中…之後佢再打黎，我仲以為佢已經黎緊添，以極速去刷牙洗臉，之後先知佢仲未出門口…原來係我訓教個時聽唔到佢話三個字之後先出門口，哈哈！擺左個烏籠添…之後接佢黎我度。佢一黎到就打求職信了…佢話自己第一次打求職信竟然唔係幫自己打，呵呵。跟著打左無耐之後就訓左了…而家總算攪掂好封求職信…不過我諗遲下等我考完試之後都要自己親自出去行下搵野做。因為我相信這份工唔會請我…係媽媽迫

訓到三點就起身，之後整下相、試下Print 信出黎…最後仲溫下英文先走。同婷行左陣新北江…之後就送佢返去了，而我就行去天祐苑等爸爸。入到麻麻度，就開始溫書了，不過唔係溫英文…^^"之後仲開冷氣，見咁舒服都無咩點郁，本黎想打沙包都無打。開飯時，我極肚餓，食左好多飯，D 餸又好味喎！食到飽晒…之後溫多陣書就出左去打沙包了。成個星期無打，又生疏晒…之後休息左陣就返屋企了！

返到屋企沖完涼，細妹就返了…我見今日成日都搵唔掂封求職信，咪叫媽媽聽日拎去返公司Print 囉，點知自己部電腦個燒碟機壞左，部NoteBook 又唔支援CDRW，咪行左去細妹個邊整囉，點知佢唔比我整，我叫佢整，佢又係度慢慢黎，我唔行過黎，佢都唔整。我一行過黎，就大大聲話整唔到。佢整都未整過就係度咁講…我頂佢呀！初頭都無咩理佢，之後我咪自己整囉，又唁比佢我整喎！自己係度玩緊MSN 之麻，又唔係咩重要野，我個D 野重要過佢喇，點知佢係咁用粗口鬧我…忍多幾忍真係忍唔到咪打佢囉！佢已經好唔憤氣，佢繼續用佢把口黎鬧我，之後仲還手，最後我打多佢幾拳後就拎架餐同佢打過，好彩媽咪行黎阻止！不過佢個副死人臭脾氣，我真係極度唔鍾意…xyz佢呀！成日以為自己把口幾叻幾叻…死剩把口！

之後都無理到佢，返返自己房打日記，傾電話、上下網…終於清晒D 日記債了！(好野，遲下可以去迪士尼)