今朝早八點幾醒左，因為真係好痛呀成身都…不過之後又會訓返，可能真係好累呀！十點幾再次起身，不過阿婷就係咁賴床，叫極都唔醒。唉…之後佢就起身親手整我食喇，食野又唔駛用手，飲野又唔駛用手，舒服死我！可以邊打下日記邊食野，唔錯唔錯！之後佢仲幫我鎚骨，真係好舒服，成個鬆晒…精神左好多。之後打到咁上下就要走了。

行左去銀座度陪佢買Lunch，買Lunch 前我地仲去馬會買六合彩…勁多人，咁岩今日跑馬，見到D 人真係好緊張咁…好有氣氛，相信係馬場一定仲High…買完之後就去左買腸粉。之後諗住走之時，撞到亞四，哈哈！佢上前係咁Hi 阿婷，但係阿婷就係咁避，一個係咁追，一個係咁避…真係好好笑！

之後行返去阿婷度，食埋野就同佢一齊落元朗，順便比錢細妹用…送左佢走，咁岩阿扁搵我磨時間，我見自己幾得閒咪陪下佢囉！行左陣千色，撞到表哥同埋Gobe…哈哈！行完千色，阿婷就打黎喇…等埋佢一齊去行合益，佢地兩個見面都已經好多野講喇！之後阿婷叫我打開佢個袋，個時我都唔知咩事，但係一眼就見到Bathing Ape…之後佢話特登去買比我，我真係好開心呀！佢仲為左我尋日唔開心而去買禮物黎氹返我…傻豬！

見到Bathing Ape，真係好開心…唔識形容呀！總之開心喇…之後行多陣我就要走喇，佢地仲送埋我搭車。之後我入去麻麻度，未有人入，得姑姐入左…之後我就去左打沙包！好耐未玩過了，而家好想操返，不過要時間…何況我又唔係係入面住，所以好少可打…不過打左一陣就已經好熱喇，個太陽真係好勁…好曬！熱死人…打打下都無咩心機打喇！之後就返房聽下歌，點知見到表弟一個人無野玩，所以我就開左電視比佢睇，睇完就同佢玩下飛行棋，佢連飛行棋點玩都未知，真係得意！

玩完我就係張床度訓著左喇，真係好累…玩完得別好訓！之後一訓就訓酊媽媽毅黎o既時候…起左身睇下筆記，之後就食飯了！食飯時同梓灝傾下D AL PastPaper，大家都唔係好記得了…不過好肯定D Essay，我好記得…條Chem 估唔中，唔係好有信心合格！唉…都唔合點好。食完飯就返房傾電話了，知道佢地好多密計傾…跟著食埋生果就走了！返到天水圍，行左去搵阿婷！

係佢屋企樓下等左大半個鐘…唉！女仔真係好多野要整…都無得怪佢喇！之後就接佢返屋企，返到屋企沖完涼就有專人幫我做Facial 喇，簡直同美容院果D 一樣呀…整完真係覺得比之前乾淨左，好野！之後阿婷已經好累了，所以好早就訓左囉…

今日真係好開心，我真係估唔到會有禮物收，仲要係我好鍾意o既Bathing Ape…真係好難形容！總之份禮物我真係好鍾意喇…^^今朝早細妹仲特登整張圖片比我，見到都呆左…佢竟然會咁有我心！Thanks~