尋晚阿婷整左個飯比我…今朝起身，邊睇龍珠邊食個愛心飯盒！好多?，雖然叮完D ?有D 乾，不過都好好味！特別係D 雞翼…最後成個飯澈底被我食晒！飽飽…之後係度睇龍珠睇到夠鐘就換衫出去。約左一點，點知我地已經遲左幾分鐘，但係都唔係最遲果個，我地同凌進一班車！之後阿鋒同埋阿釗差唔多一點三先到，之前明明約左點三，但係怕遲到，特登約早D，但結果都係點三先去！阿釗黎到第一句對我講o既說話係阿婷咁矮o既。-_-" 竟然唔係話自己遲到… 不過之後叫阿婷同Mandy 拍埋睇下邊個高D，最後都無做到！因為佢地唔肯…^^

搭車途中，阿釗不斷係咁問野，咩都問得一餐…真係好好笑！之後到左仲要轉MTR，去到仲要行十幾分鐘…天氣幾熱下！不過阿釗仍然都係咁多野講…真係服左佢！Mandy 又會頂得佢順？之後到左等左一陣就去見工了，考打字同埋睇下有冇色盲！打字果關個Speed 係29，同凌進一樣，係咁多個之中最好的…之後Check 埋眼就即刻話請喇！真係咩經驗都唔駛，連成績表都唔睇…感覺好似去見苦力咁！

本先聽日同埋後日都有野做，但係而家話第二日就即刻開工，最後推晒所有節目！>_<跟著行左去APM 度行，第一次去個度行，比我想像中細同埋無咩咁多野行…我最想行o既都係1001，比我行左真係開心！但係搵唔返之前個條4A…唉！而家好多RMC 都麻麻，比阿婷睇左D 有味剌繡…哈哈！之後行多陣就走了，臨走時去左超市一轉。阿婷一落去就係咁跳跳紮…周圍去睇野！見到鍾意o既野食就扔低我…哈！佢話同我睇到1001 一樣…-_-" 不過睇左果度D 野食真係好好味，好正咁…但係最後都無買到，可惜！

跟著就返返元朗，去左元朗廣場度拎野！之後去左刀削麵度食野，仲見到個度個老闆被新城電台做訪問。食完去左Levi's度拎褲，跟著就行左去千色度影相紀念，阿鋒都有陪我地去，搵機都搵左好耐，最後揀左部幾難用o既機黎玩！haha~好多都好傻仔…影完就玩下沙包，破唔到紀錄。-_-"影完就行左陣，仲食左個雪糕添！第二次食雪糕，真係正…Sweet！行左陣就返了…搭巴士回味。返到去，婷幫我汁完野就走喇！