今日同阿婷一齊搭車返工…佢去踩冰！返工有人陪真係好喇…返到公司成個鐘都無野好做，呆坐。係要去到臨走個一個鐘度先開始有野做，真係麻煩。D人好似有心特登唔想比你咁早有野做住，到放工個一刻先送辦黎…阿釗個部門真係衰呀！成日都係咁遲送辦黎，一送仲要係送好多喎！做死人咩？

好彩我做野速度唔慢姐…準時一點半走！不過阿榮就遲返早走添，鬼叫佢大粒咩，不過今日Henry 同埋Roy 都無返，無左兩個高層都幾Free…之後放左工就去左葵興等阿婷。本黎想去又一城搵佢，不過今日要溫書了，所以唔行街街…放工又有人陪，好似被人湊返工接放工咁。之後返到去，去左惠康買野…買得好少野，不過都要排勁耐隊，前面個阿嬸好鬼煩，又要送貸、又要拎印花，加上個收銀仲要睇得出係新黎。攪左勁耐…等左足足十分鐘先到我地，激氣！真係師奶…不過我媽媽都係為左D 印花先會去買，無咩分別。hehe~ 但一定唔夠個阿嬸煩…行一轉惠康無左成大半個鐘！間惠康又細喎，唔知係唔係行憤左百佳，而家去惠康好似入左個籠咁，買野都買得唔舒服…行幾步就撞！頂…都唔知點解惠康仲未笠。

之後上左阿婷度，佢去沖涼，我就係度打日記…佢細佬打麻雀！好似好好玩咁…諗諗下我都唔知有幾耐未打過了。對上一次都係係酒樓玩玩下…再對上一次就係係慈恩度打了…唔知幾時可以再打過呢？好想玩呀…日日返工無野做好悶。

之後去到我度，佢玩左陣電腦，而我就要溫書，慘！點知溫左陣就去左訓教！難得放假都無去玩…仲要係屋企溫書。阿Bee 仲叫我去踢波架，我都好耐未試過踢了…一定生疏晒！訓到九點幾十點先起身…之後先食飯，媽媽醒目呀，唔嘈住我地…不過都係覺得訓得唔夠。真係好累呀…第一次睇個電視，女兒紅。-_-前幾日個電視機先壞左，今日返黎爸爸先問我買個新電視會出幾錢？我呆左…我都未有糧出就買我喇！佢仲要話轉個三十幾吋的電視，又LCD…-_-"我好窮架咋！我都無咩能力出錢…不過睇下我出糧有幾多喇！出就一定唔會大份架喇…逐個月比喇！

食完飯我就嘆世界喇…又有得做Facial喇，好Yeah…真係好舒服呀！今次仲要有埋鎚骨同埋修甲…簡直一流，而家我間房多左好多護膚品，好Pro。咩都有…勁呀！真係想日日都可以做…咁就Very Good。