尋晚傾到好夜…返到屋企攪完一輪，成二點先訓！今日又要早起，好累、好辛苦…係車度都訓左陣覺！返到公司做野都無黎神氣，之後晏就阿頭話SC個邊唔夠人用，叫我地四個去個邊幫手！去到之後見到阿釗，本黎諗住做D 野有人教，好易上手同埋可以做下抖下，但係點知阿釗個阿頭係咁點我地做野，咩都做！就連掃地都要做，好彩我唔駛姐！真係好激氣。個度做野真係累到死，坐都無得坐…係咁洗人周圍走！好難捱先捱到放工。

一放工我就好掛掛，又落雨又凍，好怕阿婷唔夠衫著。即刻返天水圍搵阿婷，接左阿婷返屋企，之後食飯同同沖涼，之後婷幫我做Facial，佢幫我整暗瘡，好耐未做過Facial了，被話好污穢。>_< 不過真係好舒服…一放工返黎就有得做Facial，真係好正！最舒服就係放工o既時候，仲要有人黎服侍我，真係好嘆！

佢整左好多野，雖然唔知做過D 咩，但係知道佢用左好多私家野同埋特登買護膚品黎幫我整…好Enjoy！整完好快就訓了…因為實在太累了。最後一訓就訓到唔知醒了！