一起身就聽到天文台話三號風號，Shit！唔大唔細…再大D 就可以唔駛返工，細D就可以唔駛帶傘！God~ 都係要返架喇…之後送左阿婷搭車先去搭巴士，都係搭平時搭個班車…不過未去到大欖隊道已經開始塞車，初時都唔覺得咩，可能係太多車。之後等左好耐都未到隊道，勁多貸櫃車，三號風號個個出晒黎！行條大欖隊道足足行左四十五分鐘，痴線。屯門公路又塞到爆…最終遲到，十點先返到公司。

之後即刻開工了，今日唔算好多野做，不過一做就勁多！一係就做到命都無，一係就無野好做。無野做就周圍走，唔想比人知道無野做，行行企企都好過無！無野做仲慘過有野做，好辛苦，做完一輪野諗住可以休息，但係D 阿頭成日行黎行去，攪到抖都無得抖。放工返屋企了，無搵到阿婷…佢打牌。返到屋企已經好累了，沖完涼食完飯，好早就去訓了！而家先係一個星期o既中間，好難捱。點解我個部門D 阿頭係都要無野做o既時間先出現，仲要無得休息…做死人咩？