今日請左一日假，因為要Oral…請平日的話做左都唔夠比車錢！賺得個少少要趕黎趕去，倒不如舒舒服服休息一日…哈哈！返工第一日就去請假，第二日就唔返，第三日就會返半日，第四日就星期日，又唔駛返…返一日、放一日！今日訓到十一點幾十二點先起身，尋晚傾到好夜先肯訓…@_@

起身又係度磨時間，等Oral 同埋睇下幾時可以落去搵細妹。三點零就出門口，西鐵落元朗，阿婷講左句話“我唔放手架喇，鬼叫妳追我返黎咩？”聽完呆左，開心到飛起。估唔到佢會咁講，何況我鬆手都係想再捉緊D，哈哈！聽完開心左好耐…之後去左買左M記比細妹，之後仲要送埋上門！-_-" 做左工人咁。填完左Form就走Lu…落返屯門去試場！由於早到的關係，又唔比人咁早入去，只好四周圍蕩…之後仲好眼訓好累添！真係累到唔想考…>_< 夠鐘阿婷就走，而我就入去送死了！

坐低左，見返上次考Oral 的兩個人…好想同返佢地再考，唔知點解！不過一定無可能…等左無耐就叫我Number，好野！可以第一轉考…唔駛晒時間…個人短講的題目係讀書的滋味！都叫講到兩分半鐘多DD…不過有少少口疾疾。之後個小組討論先死…題見係第為一個社會領袖，應具備下列那一項品質？ 自知、堅忍、愛心、果斷… 第一眼睇條題目我已經揀左果斷，我都知應該會有人同我同一陣線。聽左第一個發言一分鐘時，已經搵到了。第二個又係揀果斷…都無咩問題！只係希望下一個揀第二個喇，點知第三個都係果斷。死晒火…玩野咩？最後第四個亦都係揀果斷…真係Holly Shit…識考Oral o既人都知道要搵D野講下就一定要有唔同意見。我係最後的一個，前四個都揀果斷，如果我都係咁o既話，個十分鐘真係咩都Up唔出…為左大局著想，我只好放棄果斷，之後拿拿聲諗點講其他。最後揀左自知…Shit！明明我都係揀果斷，做咩要迫人揀第二個。班人都唔識考…以為四個打我一個，有著數。係就係有，佢地四個腦黎諗野，而我就一個腦。根本唔夠打…不過都好，起碼我發言機會係最多，因為個個都搵我黎插。我只好死兜爛兜，都兜左成六七分鐘，算係咁上下喇！

之後都無咩可以同佢地講，只好張自知同埋果斷混為一談，講到似層層咁之後就認同返佢地！唉~一個點夠打四個呀，一D 都唔公平。>_<之後個幾分鐘就係度講下好處、影響等等…最後完結左場不公平比賽。出返去同佢地講，頭幾個講果斷都無咩野，但係點解之後個D 都係咁…Shit~ 幾打幾咁先可以有排講，得我一個點夠四個諗野快… 個個淨係顧自己，如果我都係咁的話，大家一齊死添！唉~之後都算喇，考完就算鬼數。盡力兜結果都係一樣，個AL 總算完左…

之後搭車返屋企，沖完涼，整好晒野之後就拎埋本NoteBook 去阿婷度，阿婷今日親自下廚…好野！好到佢度，整好本NoteBook 就食飯了…好多?，第一次即時食。不過佢話D 豆未"滅"，食到有渣。而D 芝士腸有點怪怪…不過好好味！食飽飽就整電腦，諗下點樣可以上網，之後見到條Cable 就插左入去，之後再搵佢細佬連線。好快就上到網了…真係太好了！攪掂左玩左陣就去左百佳買野…之後好快就訓，不過臨訓前可以做Facial。好耐無做過了！今次用左好多靚野，唔知我皮膚受唔受得住呢？