今日如常地返工，好悶…真係悶到爆！成個朝早都唔係點做野，係度落倉Only…悶悶悶悶。之後食Lunch又去左同阿釗玩頭D…今次比埋張勁卡佢，佢都係輸比我！哈~整定o既…打完機返返去o既時候先黎落雨，成身濕晒。之後返返去諗住有野做，不過兩點就要上堂，可以唔駛做囉。咁就可以休息多半個鐘…之後去左414 度上堂，勁悶…仲要剛剛食飽，我真係累到好眼訓…佢仲要熄埋燈，根本就想我訓。好彩中間有時間休息，唔係我一定死梗。

上堂到上左成三個鐘…真係好喇！唔駛點做，不過返到去都係唔駛做，因為真係無野可以做…唉！都唔知咩公司黎，無野做都要人搵野做…之後行行企企，上下落下樓。平平凡凡咁就到八點了，真係無聊…咁就一日！我的時間就係咁無晒…唉！

返到去，接埋阿婷放工…跟住就上左去佢度！仲食左個飯盒同埋飲左佢媽媽煲的糖水，好甜，岩晒我…如果唔係趕尾班車我仲想喝！本先我諗住係返屋企食飯，點知食左個飯盒都飽飽地，之後喝埋糖水都唔駛返屋企食囉！返到去，又係做Facial，日日都做…好野！而家D 皮膚好左好多…好野！聽日可以放假，唔駛咁早起身…正呀！我等左個假期好耐了…