放假日…真係開心！不過今日要考筆試…唉。唔知點好…難得放假，又整早餐比婷食。今次又係整麵，雖然係簡單左D，不過都好過唔整呀！由於都幾趕時間，所以好快就食完…要拿拿聲出街。落左元朗整Jupas D 野，去到東亞真係熱死…好鬼死熱…入到去好似無開冷氣咁，焗死人咩。

整完之後就去左搭巴士出長沙灣了…點知到左都係早左好多，之後去左西九龍行左陣！不過個時已經開始落雨，至憎就係落雨，真係好煩…行左陣，阿婷就話要食野喇！佢仲話KFC又要M記又要…不過佢等我考完試先食。之後去到運輸署，坐低係度溫書，都唔知點咁，好緊張…最後都係睇左幾眼就去送死！

入到去，等左陣就有人考…一開頭個幾條真係唔知問咩，溫左都唔識。好似笠生題咁…唉！之後個D 就好好多了，因為本書仔有晒，好野！做到最尾D 標誌仲正…之後係咁Check、係咁Check，Check 左三次先肯走！哈哈…之後搵返阿婷，去返西九龍食Tea。哈哈，佢去左KFC 買鬆餅，之後黎M記買朱古力，真係講究…佢仲買埋我個份！第一次飲奶昔…被笑 >_< 唉！好擔心個筆試，無咩信心，已經好肯定有一條係錯架喇！Shit…食完之後去左頂樓度行下，好快就停左雨了，之後就諗住行去旺角…

阿婷仲話想買魚添，佢要我間房有生氣D，都好呀！有缸魚會靚D…去左睇魚，勁多呀…不過未揀岩。之後就行去睇珠鏈喇，第一次睇到咁大間咋…仲要有咁多間，估唔到咁都可以做到一門生意，真係唔知有咁多人鍾意Lei D 珠仔…跟著行左去太子，行左聯合，之後行始創，之後行旺角中心，之後行潮流特區…聯合原來我未行過，第一次行覺得都唔係好多野睇，麻麻…不過有買到野，好開心！有布帶用了，我好鍾意呀…行始創都係為左吹駕勢堂，好多野睇，好正。睇到眼花呀…之後旺角中心都係第一次去行，好迫…同埋全部都係女仔野，無咩男仔出現，阿婷仲係個度睇中左對鞋。潮特真係好好間野行，而家成個地下都係咁，行都頭都暈埋，仲係一間睇中左件Ape，不過無黑色…唉！算喇…之後就落車返去了。

剛剛垓左班車，有排等…不過等得好開心！成個大少咁，咩都有人服待…真係笑死我。跟著上到車就打去駕駛學院問結果喇，只需要身份證就OK，聽到佢第一句唔知講咩，再問多次之下聽到個Pass 字，唔知係Pass 定係唔Pass…可能剛剛收唔到！不過之後知道Pass，佢仲叫我約定時間…好野。阿婷都比我玩左，不過玩唔到媽媽，唉！之後講埋比爸爸知…跟著就訓教了。成程車都係度訓，真係好累呢…

上左阿婷度，佢食個飯之後就要去補習，不過見仲有少少時間就Install 左隻Game教佢玩…哈哈！起碼唔駛佢日日都咁悶先…之後就送佢去補習了！我就返屋企沖涼食飯，打日記了…今天很開心…Yeah！不過遲下排路試真係好煩，有排攪，份工已經霸左我好多時間，我都已經無咩時間了，遲下仲要學車…God！睇黎我真係要轉工了，不過而家咁o既時候真係幾難搵，周圍都係中五、中七生…