今朝出門都無拎遮，送完阿婷搭車就去等巴士，遲左一班車！點知架車行到去大欖個邊就落勁大雨！真係勁大…我頂，無帶遮先黎落到咁大。我怕我未行到公司已經係落湯雞了…最後都無理到，訓多陣都好。不過成日都睇下幾時停，所以唔係訓左好耐咋…之後落車時，停左雨喎！真係好喇…急急步行返公司。返到去都無咩點濕…好野！今日我都唔去砌辦了，成日都做埋昌哥D 野…我自己又咩都識做，D阿頭見到我無野做又話我，我倒不如只係開辦算了…昌哥人工又高過我，佢識做o既野又少過我，只係影相、過相、收辦…我都唔知點點會高過我份糧。阿姐又係，只係識砌辦同埋收Result放埋一邊，仲要我地收埋，佢的工作只係張一疊紙放整齊。我頂…世界實在有好多不公平的事…我根本就可以做埋佢個份！豈有此理…仲成日叫我幫手，傻o既。我幫左手佢地做咩呀，我要埋佢地份糧就差唔多…真係呀！今日仲要自己一個係度落倉，因為尋日收左好多辦…唔落就放唔晒D 辦。

一個人係咁汁，我一係唔汁，一汁就要汁到整整齊齊…最後做左成個朝早黎汁野！汁到我死死下…不過睇返個架可以咁整齊都值得，但係唔知幾耐個架就變返之前咁鬼死亂。唉…都唔知咁有心機汁黎做咩？算喇！而家日日Lunch 都係帶飯…今日仲要勁大雨，真係好喇！原本想唔帶，出去陪下佢地食…但係媽媽特登整左，無理由唔食！都好呀…大雨到咁，真係好好彩。食完先知已經係紅雨…我成日都係個倉度，無出過去，都唔知有幾大雨！不過我諗都幾大…成日都有雷聲…食飽就訓左陣！阿婷又未起身…無打到比佢。

之後都係佢打黎，佢都訓到傻左…仲話佢Send 左Msg 黎，不過我收唔到！^^傻豬記錯左…之後見今日D 辦都唔算多，可以邊做邊傾。真係幾好…今日Leo 同阿基都無返，少左兩個人，但係我地幾個都應付到！阿婷好慘，無得打牌，要睇龍珠…真係好想早D 返黎陪佢！做到咁上下，已經無咩可以做…落倉都唔想落喇！最後七點度已經坐左係度等收工，Sub 埋野就坐低等收工。仲同阿Roy 請埋假…好野！聽日有假放…之後臨走時，Henry仲叫我唔好聽日唔返喇，哈哈…最大粒果個都要求我…不過無理！得個半日返黎都無意思…我去玩下、休息唔好。傻o既…反正我又成日請假，都拎唔到個3K 架喇！之後返到天水圍，食飯沖涼之後就去左阿婷度…聽日請左假，今日可以打好耐。哈

打牌時，我都輸得幾多…哈哈！係咁輸…都無咩贏，一局自摸都無。打到點幾鐘，總結我係輸得最多果個…但係我都算打得唔錯架喇！無人教路都唔算輸得多…打完之後好快就去訓了。聽日有好多野做呀…日日都咁忙！

今日汁到個架整整齊齊