今朝六點幾七點已經醒左，之後起身整野，阿婷仲幫我整早餐添…好野！

今日公司會有人到，聽說係法國總公司的人，所以早左一個鐘返…令到我要咁早起身！不過會放早一個鐘…返到公司無人，我頂！又叫人早D 返，又唔開門，都唔知點攪…最後等左十分鐘先有門口入！成組人都整得好整齊，D 阿頭仲要裝恤衫西褲添，真係誇張，好彩我唔駛姐，我最輕便，真係舒服！點知返左成日都唔見有人黎，哈哈！D 阿頭都唔知著比邊個睇…今日好開心呀！早放一個鐘，第一次放工時個天仲係光架咋…如果日日都可以咁就好了！開心死…

返到屋企都係八點度，真係好喇！好多時間用…不過我都係用用黎沖涼、食飯！不過舒服左好多…慢慢享受。之後攪掂野就去接阿婷了…之後仲去左百佳買野食，因為豬話有D 餓！^^ 返到屋企食完野就溫我第一次的英文，好耐未見過佢地了，一D 都唔掛住佢地…不過點要都見！>_< 最後真係睇到我無晒Mood…好唔開心呀對住佢地！之後溫完就做Facial……我自卑嗎？