好早就起身…因為要見工！今日私行程排得好密…阿婷又去見工，佢十點見，我就咩時間都得！一早起身，食左個火龍果就出門口，唔想遲到的關係，去左搭西鐵！都唔知幾耐未搭過了，以前返學日日搭，而家返工日日都無搭…今日好舒服，雖然有點趕，不過唔駛返工，好自由自在…Yeah！

去到就轉輕鐵落建生，好耐未黎過了…八年年就係住係度，好多野都變左，不過仲有唔少野我仲好記得…HeHe~ 落左車行左去寶怡花園個邊見工，阿婷搵到間補習社了，之後入左去，我就四周圍行下，未行到一個圈就有電話黎，阿婷話太多人唔見了，有排等，佢最憎等！^^ 咁都得…最後決定唔見，於是我地就去左良景搭車出去喇！搭車前睇下D Levis…不過好雞！-_-" 之後58X 出去…係車度我先食早餐，有愛心餅餅！好味到痺…

之後訓下教無耐就到了…落左車，搵左陣終於搵到！於是上左去見工了…填左份表等左好耐都未有人黎！等到有人黎，又唔見我先…我差唔多係最尾果個。0_0 等死阿婷囉…跟著見工時，佢咩都無問，只係話我寫錯職位…之後更正返，佢就同我講。哦！Lei 份工好簡單架咋，都係搬下野咁，我張你份表交比邊個邊個喇，你等電話通知喇…-_-" 無奈！一句都無問過我…之後就去左長沙灣廣場搵返阿婷，佢等左成個鐘喇，慘慘！

跟著就搭地鐵去尖沙咀食Lunch…佢話帶我去食糖朝！好出名喎D 粥…我乜都唔知，He~人地個度出名係食粥，我就去食麵，婷就去食飯…哈！個度杯咩花生珍珠奶茶都唔好喝o既，好重花生味，唔鍾意！>_< 食完之後我地就諗行邊度喇…一出到去就陽光普照，好曬添呀！根本同朝早係兩日咁…好大分別。行左陣街就返了，都無咩想行，加上我都唔係咁想係今日行…無咩心情！

之後就去左搵車返屋企，順手行埋SOGO…之後就巴士回家，係巴士度好眼訓…訓得好舒服，成程都係度訓！真係未試過咁累…返到屋企我就係度打下日記，跟著就去左馬會買我人生第一次自己一手挑選的主客和…買左條四串一！希望第一次玩會中喇…買完出去仲想補多條飛，不過廢事，太爛賭唔係幾好！細細地玩下算了…之後阿婷就要返工了，我就返屋企陪下屋企人了…都好耐未返過屋企食飯咁！返到去佢地剛剛食到中段，真係好耐未試過了…返左Lei 份工真係無咩時間，未返工前已經開始拍拖，又無咩時間。不過我一定會盡量分配下我D 時間…我做左Lei 份工，真係無左好多時間。我都唔想…我而家日日都好似有好多野要做，真係多到我都唔記得，我未試過日日都要有咁多野做，咁充實，我簡直覺得我自己之前個幾年時間係白白浪費左，我有好多野要做！>_< 夜晚就傾左緊電話就訓了…好累好累！