起身後無野做，就去整下電腦，部電腦都擺左係度兩個幾三個月，整極都整唔到！都唔知咩事，部機事實上又真係幾屎…都唔知點算。Install 唔到Windows XP… 而Install 左ME 又唔識自己連線，都唔知點整先可以上網…明明有線係自動Link 架麻！唉~ Ram 又唔夠、底板又唔係勁、Harddisk 又唔多，廢到屎咁…最後都係唔整喇，Sin 晒我D 時間！

十二點收到阿婷電話，佢話補完習，足足早左一個鐘！我都唔知咩事，之後佢先話今日係補兩個鐘…攪到我咩都未準備。之後換好晒衫，阿昌打比阿婷問有咩攪，之後定左打牌！去到阿婷度食左個公仔麵，之後溫左陣英文…話咁快阿昌就到左，之後黃進都黎埋…剛剛好夠腳了！於是就打牌喇…一開頭係咁輸係咁輸，輸到我真係唔係幾想玩！不過都繼續…之後慈恩黎左，阿婷就去左煮野食…我繼續打落去都仲係輸，最勁好似輸左成六七十蚊…成為大輸家！

打到最後汁過位之後就好好喇…贏返唔少！仲有自摸添…不過由於之前輸得太多，所以都係回唔到本。慈恩贏完就走左去，拎唔返添！最後總計都係輸幾十蚊…輸少當贏-_- 之後佢地個個都走晒了！我就係度休息下…無耐就去左煮野食比阿婷，洋蔥圈。佢就叮左個烏冬我食…又有涼茶飲，真係好喇！食飽飽休息左陣，去到十一點零就返屋企了…好累！沖左個涼就去訓教教豬了…