端午節…今日訓到都幾晏，成十一點先起身！尋晚打牌用左好多精神…一起身阿鋒就打黎話去唔去唱K！聽完之後得幾個人…都唔知咁高消費，咁少人玩抵唔抵…何況我又要做節，玩唔得耐！最後變左篤波…去左陪阿婷買Con，之後就買野食上去篤喇！都唔知幾耐未打過…新仔一樣。未入過一球靚波…唉！算喇…又唔係玩開。不過玩得好開人…最後仲輸比黃進+凌進。>_<

之後送埋阿婷返先，上到去打左陣日記就走了…要入去做節！今日表哥返黎喇…好耐未見過佢，佢個肚肥左唔少。哈哈~今日好豐富，成十幾樣野，多到食唔晒！食完之後都無咩做…好快就走了。返到屋企，沖完涼整好晒野就去搵阿婷了，佢落樓接我！好野~一齊行左去百佳買零食…本身想見出左糧可以食一餐飯，而家變左買零食！-_- 買得都唔算多…幾包薯片Only。返到去，阿婷好肚餓了，佢都餓左好耐喇！我即刻去煎餃子，HaHa~ 應承過放假會整野食比佢，我真係做到了！本黎以為今日會煮唔到野佢食，不過最後都有…煎得麻麻地，好難控制個火。

攪掂就開枱了，好好玩呀！不過都仲係好難記同埋認…成日都Miss。最後都打得唔錯，有人教路。最後打到點幾就搭的的返屋企，一返到去就訓了！聽日要返工喇…