今日起身都幾累…不過都唔怕！返到去成個朝早都唔算多野做，叫做OK 喇…不過昌哥同埋阿姐要去Training，要我做埋昌哥個份！初時我都覺得幾簡單，因為只係影下相咁…不過下午我做的時候係勁多辦送黎！我又要Check 辦、收辦、入單、砌辦、影相、過相…得我一個做添！我頂，係我做先有咁多辦…做到我死死下！一個人做左兩三個人做o既野…真係停都未停過。都唔知點解要我做，我樣樣都識，但係點解要我做得多…慘！

好辛苦先捱到六點，等佢地返黎…之後我諗住休息下都唔得，D 辦真戚一直係咁送係咁送…做死人！我得個廿蚊個鐘，但係其他唔做野個D 就三十…咩天理！人工又低過人，又要做咁多野，我頂份工真係唔順…比我真係一搵到工，我真係即刻唔撈，第一時間上人事部計好晒條數…Shit！而家人地入黎做就三十蚊個鐘，而我地個時就廿雞…咩意思？

之後就返左屋企食野，沖涼…攪晒野就去左阿婷度訓了！仲有Facial 做添，真係舒服…