訓得都幾好…雖然阿B 成日叫，起身後都幾精神！食左餅餅做早餐…本身阿婷煮野我食，見到佢咁累都唔忍心要佢特登起身煮我食！算喇…返工去搭69M…行到總站添呀！真係真係勁多人，我怕無咩舒服o既位坐，所以就行去總站喇！都仲叫做有位訓教…哈。都訓左幾耐呀！

返到公司，又係朝早無野做。收辦部係咁架喇，成日都係最尾個刻先送黎…我頂！之後等到Lunch，真係易過…食完諗住會去Training，但係阿榮話今日唔駛，都好o既！留返下次…之後一味係度做野。收工後就返屋企沖埋涼，食埋野就去左阿婷度打牌…全部都係高手，第一次打真係講野都講唔到，唔好話講野，就連諗野都諗唔到！成場都好似唔係我打咁…不過阿婷話我摸牌摸得幾靚，咁又係！自己鍾意做咩就做咩，無理上家做咩…^^ 最後仲有幾局自摸添！幾好運…

打牌真係好玩…好彩聽日放假，唔係都唔會打到咁夜！打到成點幾兩點…愛上左打牌。^^好想快D 再玩呀…好似上左癮咁。打完就搭的士返屋企訓了…聽日又放假喇…好野！Good~