起身又係度清下日記，打到唔知時間，之後趕住去搭巴士…好彩趕到姐，唔係遲到蝕比公司。一落車就唔落雨，幾好彩喎！之後拿拿聲返公司…到時整濕左對腳就麻煩，有排焗。返到公司做下野，好快就過了，十一點幾無無聊聊係度聽收音機！知道已經掛緊黑雨…個個都以為有得走，不過間公司咁衰邊會呀，繼續做野，都好呀！係個度做野，因為黑雨出面D人送唔到辦入黎，即刻可以話係無野做…正。留低都係落倉咁，咁當然留係度呃佢錢喇！之後成個朝早都無野做…哈~

Lunch 勁大雨，好彩有飯盒，唔係出街食，我變落湯雞喇！阿婷煮我食…都好耐未食過喇~ 我叮得太耐，D 腸仔爆開晒…>_< 不過仲係好好味！但係D 汁就少左D…佢地成班都要出去食，因為叫唔切外賣…佢地個個返到都變左雞！我真係慶幸自己有帶飯…Good~ 之後晏就都無咩野好做，只係係咁落倉。特登拉長黎做，因為唔想做野無野做，不過就係咁做係咁做，無咩時間休息，但係而家成間Room 都好乾淨，好整齊！真係開心…如果又整到亂七八糟，我都唔想汁喇！而家間Room 大左幾倍咁呀…係度踢波都仲得…之前就連行步路都要好小心！而家做野都舒服D…正！

最後汁晒野就佳係度哂世界…磨到八點先放工！咁就一日了…放工返返天水圍去左接阿婷，個時仲落緊狗屎咁。我又早到左，係商場門外影行雷閃雷，比我見到兩次閃雷，真係又有閃又有電…好正！不過我影唔到…時間唔岩。影到就好囉…一定好靚！接完放工就返去了，都幾大雨…返到去又有Facial 喇！等左好耐了…