星期日，尋晚訓得幾好…阿B 已經唔會成日嘈喇！第一次嘈到訓唔到添… 一起身整好晒野就送阿婷去補習，之後就即刻返屋企拎野，汁好晒野就出門口準備去學車喇…去到元朗又等車，之後去到學院，拎個學牌，之後就出左去等學車，一響鐘就搵車，但係搵唔到，最後係個阿Sir 黎搵我…哈哈！瘀…下次一定唔會，今日學孖鐘！好耐未渣過車了，有機會渣真係開心…個師傅都有D 晒時間，咩都介紹一餐，不過又唔怪得佢…唉！白白無左半個鐘…>_< 之後去到渣喇，好野！成年無渣過咁呀，好好玩…不過有速度限制，唔過得廿公里，都係唔係幾過癮…不過有得練算唔錯！個師傅都話我唔錯，係過彎有少少歪…不過之後第二個鐘渣起上黎就好得多！我都幾滿意…但如果有得渣耐D 就好了。而家學左D 皮毛，好想快D 學完可以渣車出街…不過唔知一次Pass 得唔得，我唔想晒時間、金錢！

之後渣左兩個鐘後，就返返去Book 下次的時間，Good！好快就可以再去過了…拎完就返返去了，走左好搭西鐵，之後行去搵阿婷！等埋佢一齊行左去銀座度借圖書，佢成日都話想睇架喇，不過我無咩時間陪佢借，所以今日去同佢一齊借，佢借左本Cook Book，仲幫我借左本English…而我就幫佢借左本Dreamweaver，而我就睇下Word！借咁多都唔知睇唔睇得晒，佢就可能睇得晒，但係我日日都要返工，邊有時間去睇呀！我諗我都係要續借架喇…是但喇！返工時同埋食飯時可以有本書睇下，不知幾好！

之後返返屋企了，返到去等左陣就去麻麻度，點知去到麻麻度，無人入…原來今日無人入！>_< 原來係我細妹無講過，佢收到風話唔駛入都唔講，玩野，攪到成家都白痴痴咁入左去！火∼之後返返屋企，媽媽去左買?同埋即食個D…之後我就玩下電腦，點知玩玩下電腦同阿婷傾傾下就有事發生…我唔想講，總之好嬲，咁都可以亂講！我都唔知頭唔知路…打比阿婷又唔聽我電話，唉！我都唔知點講先好喇…總之個時的心情好複雜。之後食左幾啖飯就即刻飛去阿婷度，順手幫Auntie 買餅，上到去佢地打牌，佢地仲講笑話我唔開心係因為買餅，真係好笑！最後都無咁唔開心了，佢地講得真係好好笑…本黎我都唔係好想打牌，最後都係打左幾場！無贏過就完左了…^^

今日真係好嬲…講唔出的憤怒！