放左兩日假…又要返工喇！日子真係幾苦…今日起身後見無野做，係度打下日記！打打下唔知時間添，一落樓就跑去車站，好彩都趕到08:20 班車…如果趕唔到一定遲到！返到公司09:23…險。

今日朝早都係無咩野做，不過個倉真係亂到死，而家有辦黎都唔知放係邊，阿Roy 就叫我地去再D 大件辦拉去第二度，無端端攪一輪，又要我落倉…痴線！成日都係得我一個人去落倉…都唔鬼理佢。落左一箱就算數，如果唔係有成幾廿箱，我一個落落幾日都落唔完…

Lunch 食飯…而家食飯都無咩好做，只有睇雜誌！日日都係度睇財經…唔係就係樓。仲有係車…而家日日都係對住D 錢咁。人大左，思想都唔同左…之前細細個無憂無慮，鍾意咩就叫爸爸媽媽買，完全唔駛諗價錢！真係好幸福…不過大個仔左，面對的事就唔同晒，有D 野唔係話買就買，前排我都會成日係度追街牌，Ape、Supreme…無一不歡。但係廿歲仔o既我而家一無所有，對個錢字都睇得幾重…而家的社會無一樣野唔係錢…好現實！都係細細個好，咩都唔理…不過而家都要接受現實。我而家幾後悔細個無讀書，同埋中學時無搵過錢，個個暑假都係度玩…好後悔！而家個心一味係度諗搵錢、賺錢…好似被錢曚住左雙眼咁。而家份工人工咁低都要迫住做，真係好難頂…但係而家搵工咁難，都無法！一定要頂硬上…而家都唔會再咁輕易買D 咩街牌，六百幾蚊買件衫、幾千蚊買對鞋…真係幾奢侈！除非真係好鍾意喇…有錢都拎黎儲同埋投資喇，講起投資自己又唔係好識…又無咩時間去學！唉…之前就成日去玩，浪費左好多的光陰，而家追返晒都幾困難。而家日日的時間都唔夠用呀…慘！我真係要努力喇…仲有幾廿日就放榜，我的前路都唔知點…

Lunch 完左之後，Hea 左陣就去左Training…唔駛做幾好呀！上堂上到我訓左…真係勁眼訓，佢講野真係講到好悶…都無咩點聽過。之後無耐就有個Test…MC 黎！我對上一次甘堂係5月幾，而家足足成半個幾月，我又唔會去溫書咁浪費自己D時候，最後都係亂撞，反正我一心都唔想做，唔合格比佢炒都無咩所謂。做完之後返返去HE…都無咩野做！係到最後19:55先有辦黎，收辦部班仆街。痴線…踩佢都傻，唔做即刻走人！成日都係咁，激鬼氣！

返到去搵阿婷…等埋佢放工！之後接埋佢返黎…聽日放假去見工。好野…又有得放假囉。有得休息了…