又要返工囉…真係悶！今日好多野做，唉∼ 點解唔可以平均D呢？尋日阿四已經約左我今晚去食飯…佢地話七點半，頂！我八點先放工，落返元朗都無左成個鐘喇…唉！最後一放工就好趕就沖去元朗，去左板門店度食。今日係慶祝亞扁生日…有亞扁、DT、亞四、Joanne、阿呆、澤兄、鈞浩、國窿同埋阿深。我都唔算遲左好多姐，阿深仲遲過左我，好彩！本黎諗住唔食架喇，不過見又有時間，同埋又未食野，叫佢開多個位喇！D 野食麻麻…唔知係唔係好餓的關係，我都無咩講野，係咁食係咁食。之後到左切蛋糕的時間，我負責渣機，亞四係咁話我…咁我返工係咁架喇！>_<
我地係咁影相，成個場D 人都望係我地…好似D咩大明星出場咁，好白痴！之後影完相食完蛋糕就返去了，咁岩有車，就去趕車，兩位女士都唔知，攪到好狼狽！^^ 之後就去左搵阿婷…
|
