星期六都走左去返工…原因係今日所有阿頭都係短週，可以叫做無王管。返到公司，得我地幾個Summer，同埋一個Engineer係度，正呀！成朝早都係做返尋日個D 野，去到十點幾十一點已經無辦做了！聽收音機打發時間…悶死。之後去到十二點終於忍唔住，同Leo偷走出去篤波，本黎諗住打機架，不過佢打個D 唔岩我打，廢事喇…之後去左篤波！打左一個鐘度，打左兩板，佢都幾勁…近視，無帶眼鏡都係咁中…佢仲要話係未學過，係同人篤得多。-_-"

最後兩板都輸左，不過我都可以拎到個尾彩，入最尾D Color 波…唔駛輸得咁慘！唉∼好想可以篤好D…不過算喇，第一次同人篤可以係三十幾四十分鐘篤左兩板…抵玩！之後睇下機舖有冇位，一點先慢慢行返公司…返到去都係得一兩件辦，不過其他人都唔做，我頂！個個坐係度，都唔知做乜Q…最後我地都唔做了，由得佢放到星期一先做囉！一點半準時走人…

之後返左屋企清下日記，再係銀座同阿婷食野…仲撞到李峰添！跟著就返屋企汁野，換衫喇…去到六點幾先出門口。之後我地兩個自己去左人家先…最早到…^^ 去到等左陣，阿Sir Miss 終於到了…好耐未見過阿Sir 喇，差唔多有一年！佢都仲記得我，哈∼之後各同學仔都陸續黎到，成幾十幾人…張?都唔係好夠坐，要坐到好迫！都無咩同Sir 同埋Miss 傾計，阿良係隔離…不過成場李峰都係度問問題，仲係咁被人玩添！最後Miss Leung 同埋阿Sir 要早走，得返我地係度打，仲係度等埋Miss Ma 黎添…等到成十點幾十一點先黎到，之後都係傾左陣計就走了！阿妖好串，自己澈底先又唔認…

之後成班去送Miss 返屋企，不過好多都係半路就走左…最後得返李峰、肥文、鋒、我同埋婷。之後李峰同肥文走，我地就西鐵回家了…係西鐵站仲撞到婷細佬，之前係人家都見到架喇，估唔到又見多次…^^ 記得第一次見佢係係屯門仁愛堂。之後返到屋企已經好累了，好快就訓左！

今日係一個小型又便宜的謝師宴，都唔明點解得個十幾個人黎，唉！Lei 班真係…… 點解有人仲話要返工黎唔到，講真有咩工可以返到十一二點呀，睇下個心架姐…可能係最七最後一次約到Miss 阿Sir 黎食餐飯仔，大家都可以唔得閒，都無咩可以講！連坐刑山長水遠，搭車來回要成兩三個鐘的Jerry 都黎，連只係修一科Chem 的阿鋒同埋凌進都黎…我真係唔知大家有幾忙了！