返到公司無門口入，不過好快就有大佬黎開門！今日都幾險，09:29打咭…今日帶左飯，一入門日就拎飯入雪櫃喇，點知一D都唔凍，仲要係熱架添，唔單止係咁，仲要臭架添，都唔知間公司咁慳做乜Q…公司日日都賺幾百萬架喇，而家個幾千蚊的雪櫃都慳，都唔知幾多年前買落的！臭到死…攪到我D 飯要放去對面組個雪櫃度…唉！廁所又要去對面…都唔知我地搬上黎係唔係錯。

食飯都幾麻煩，拎黎拎去…唉！聽日都係唔帶喇…好煩呀。食飽飽真係好眼訓，走左去訓，一訓就訓到13:45…大佬黎到我先識醒，無人拍醒我，我諗我自己三四點先識醒…之後都無咩力氣做野，慢吞吞慢吞吞咁。今日無咩辦黎，所以我地係度落倉，清晒所有野，汁到整整齊齊…之後都準時放工！

返到屋企，沖涼食飯，之後接豬豬黎，係樓下等佢，點知有禮物收！有愛心曲奇，好驚喜…今日先聽佢話整，估唔到今日即刻就有。真係好開心…咁大個仔，第一次收女仔親手整的食物…返到屋企即刻食左舊，擺出一個不太好味的樣子。之後阿婷係咁問好唔好味，我都無答到！哈哈∼　比我呃左了…之後同佢出去比媽媽試味…　媽媽都話好似出面買個D 咁，傻豬！真係好味架…

之後食完就上左馬會度睇下有咩買…落返場飛！今日阿婷自己走左去買波，我就順手買多場，玩下波膽，估巴西對加納…聽到阿婷話3:1，之後就落注，本身想買多場3:0…不過無買到，最後真係心痛死！結果真係三比零…唉∼唔買就中，買左就唔中，之前D 主客和又係咁。