今日係咁訓，十點幾先醒，之後玩電腦，玩到十一二點阿婷起身，我地就落左新北江食野喇…早午餐一齊食。之後行去左圖書館還書，今日真係好熱呀，曬到乾咁濟…之後就返去阿婷度再訓過，好彩有冷氣，唔係我一定訓唔著！唉…點解天氣愈黎愈熱架，之後五點幾起身，好鬼死累，不過媽媽打電話黎話要入麻麻度，之後就好快咁落左樓喇，之後入到麻麻度無野好做，係度整碟睇，又係細個時的童年回憶…之後老豆又要整車喇，佢架死人車，年中都整左幾十萬，咁多年黎夠買架新車有餘，不過佢唔肯買我都無計…睇住佢架車幾個星期就要整一次，次次都幾千蚊落樓，真係心都痛埋！之後食完飯就返屋企了，返到去等電話，之後傾到十一點幾就去左訓教了。聽要又要展開我漫長的一個星期喇…