今日我要去學車車…起身食左幾碗粥，之後就換衫喇！出門口前阿婷仲幫我Gel 頭添，Gel 得唔錯，仲話第一次Gel 添，真係唔係幾信！真係Gel 得好睇過我，可惜沒有定型水…持久力唔夠，好快變回原形。之後姨媽打黎話要走了，好唔捨得，阿婷當然仲唔捨得過我喇！佢仲傻豬到喊添…真係傻豬黎…遲下儲錢去探姨媽咪得囉！不過唔知幾時就真…之後同佢落左元朗，本身諗係我同佢行陣街，之後我去學車，佢去銀行整野！點知行到去元朗廣場，有2R Show，但仲有成個鐘先開始，阿婷話要睇，於是陪佢上左二樓搵位睇，一直等一直等，企都好唔舒服，不過最後都陪到佢2R出黎為止，之後我就走去學車了…

講起學車，真係XYZ呀…一生人未試過受咁多氣，我小佢喇叭！第一個鐘都無咩野，係度聽下理論堂…之後出去學車，仆佢個臭街！個條咁o既導師串那到呀，我真係未試過咁樣受氣法…吊！上車問我學到邊，我都有答佢，個時都無咩野，之後佢就叫我做返上堂學D 野佢睇，我上堂學泊位，仲要勁大雨黎學，睇位好難睇！今次係度泊，難免有D 出入，我小…第一次泊，佢咩都唔講，就咁話泊位呀！我頂…咁悔氣咁，我都由得佢，我咪泊佢睇囉，出左少少界，係咁問長問短問我邊度出錯，吊！我上次泊都無事，今次係佢要我係咁用腳制同埋油門黎控制，我都係黎學車架姐，邊識咁多呀…我知o既都做撚晒喇，仆街得佢呀，係度係咁講我Lei 樣個樣，佢講我知錯咩唔係問題，咪咁撚串呀，比氣我受…吊，我個時已經開始唔妥佢架喇！我無理佢，佢係咁講解，我咪聽囉，聽完佢又係咁話你聽喇，你唔聽點知我講咩，我小！串到爆…

之後佢教埋我掉頭，佢講野一舊舊，痴?線！講到燒炮仗咁…之後到我自己試，佢又嘈生晒，我當然真係已經無得再忍，我好想一句撻埋去話，唔撚學喇，我走喇！不過我又唔會咁益佢，之後佢係咁叫我重複做泊位同埋掉頭，佢叫我入波，我就坐係度，等分幾鐘之後先黎，反正我都唔想對住條仆街學，晒時間都無所謂！吊…最憎人串架喇…真係痴Q線，我而家比錢去學車比佢鬧，我頂佢個肺！之後叫我做，我就偏唔做，一係就等一大輪先做，佢都無嘈我！之後又成日係度話我控制個方面，頂，我著住對580 唔通係度同你大大力係咁踏咩？佢條粉腸，一味識嘈！最後我一個鐘的堂被佢足足用左四分三黎話，痴線！之後泊完車，佢簽我本手冊，佢都知我已經好唔妥佢，我仲係咁望住佢比分，佢都算比得唔錯，之後佢都無叫我評分，佢都知我一比個一分佢，佢就一定無得撈，佢都算醒，唔拎比我比分！我見佢比我D 評語都OK，我都無叫佢拎個PDA 出黎評分比佢喇，之後就走人，大大力?埋對門就走！而家咁o既態度真係死得喇，咁都可以做到而家算佢好彩，比我遲下見返佢，佢都仲係咁的話，佢死撚緊。

之後出返元朗搵阿婷，搵極都搵佢唔到，火上加火…之後去三聯搵佢，搵到佢就同佢行街，係咁講晒D 火出黎…真係舒服晒，仲食左個下午茶，真係開心！次後去左2% 買衫…好耐未咁Shopping 了，日日都要返工，無晒時間！之後買完衫諗住去買六合彩，不過勁多人…無買到。之後行左去漫畫村租碟返屋企睇…Then 返天水圍，再去埋百佳同埋萬寧買野，之後就送阿婷返屋企了，我就去返新北江買飯同老豆一齊食，媽媽返左大陸，細妹返工得我陪老豆！返到去同佢睇電視、食飯、講股票…真係學左唔少野。之後陪左老豆就去左搵阿婷了…之後就睇ＶＣＤ喇！套戲都幾好睇，不過我睇睇下都幾眼訓，但最後都睇晒！睇完就即刻去訓