今日返到公司都唔算太多野做，不過未停過手，做極都有！豈有此理…之後個BV Lab 仲Down 埋添，攪到無得Print 油紙，所以辦都要Hold 住，無得做…倉又無得落，頂！個BV Lab 一Down 左可以話成間公司D 人都無野可以做到，只可以去Sub 下野、收下Result咁。之後無耐Lunch 前就要搬野，不過我都無理到，因為手頭上D 野仲未整好，所以做返自己D 野。最後都係搬得幾個架出門口就Lunch…我一於少理，我食Lunch 先，邊食邊睇漫畫！幾正…之後食完個BV Lab 仲未得，已經Down 左成個鐘。最後無辦開喇，被迫要搬野，又上又落，十三樓四樓十三樓四樓…不停咁上落，咩都搬晒上去，上面地方好似幾寬敞，不過無咩安全感，最後搬晒野就揀位，揀左個發呆/訓教都唔會被人睇到o既位，不過由於背住D 大佬，所以唔知幾時會有人行埋黎，有好有唔好…真衰！不過個位算唔錯喇，真係幾滿意…遲下好似話有個大佬坐黎，仲要係度間多兩間房，我頂！又少左D 位喇…如果個大佬仲嚴過阿Roy，我一定諗都唔諗就唔做了，反正到時都放左榜，可以決定出路。

之後攪完一大輪，已經六點幾了！足足搬左四個幾五個鐘…痴線，熱到死。之後BV Lab 好返，係咁做返之前o既野，仲要做埋個幾個鐘前Ddelay 左的辦，頂！勁忙…做到踢晒腳。不過最後我都要遵守返我的宗旨，準時放工！19:55已經拎野走了，因為要返返去四樓打咭，所以早D 走…個個都唔OT，哈！如果我OT 有返三四十蚊個鐘咁又唔同咁講呀…可惜佢唔係比Lei 個價我，彩佢都傻！係樓下等埋豬先返屋企，佢同我一齊咁夜先食飯，餓親佢添！不過好開心佢陪我食飯…之後豬豬幫我做Facial，真係好耐無做喇，暗瘡出晒黎，仲好痛添！真係救命…最後做做下Facial 我已經訓左了，好累！其實我有D 感覺知道自己訓左，想返上床訓，但係太累，最後都係算數，訓地下喇！真係未試過可以咁累…第二朝早先醒。