今日係去迪士尼的大日子…真係期待左好耐好耐！個幾星期前已經好想等到今日…終於等到了！不過一起身望出去個天黑黑地，仲落緊雨添…頂！個時先係七點幾…真係好灰。點解個天要係今日先落雨？點解尋日好天，今日就係咁落？好憎個天…好想佢快D 停雨，不過最後都無停到！豈有此理…
之後成屋D 人都起身囉！細妹要返工，佢仲唔知我去添…哈哈！跟著就起身整野…個天落到咁，都無咩心機整。頭都係落左少少Gel 就算…之後汁好晒野…見到媽媽個度又汁好，於是睇睇，見到佢一袋二袋，又薯片、又蝦條、又麵包、又水…好似去旅行咁。叫佢拎返出黎都唔肯，過極話唔俾帶都唔信，最後阿婷講先信，服左佢…
之後落樓E34，個時仲係微微雨，好想快D 停雨，個天都係唔停，我豈有此理…之後去到青馬收費個時轉R8，個時停左雨，好野！個天終於肯停雨喇，阿婷一早都會話好天，只不過係貴人出門招風雨，落一陣…又比佢講中左。^^去到迪士尼，未行到去大門又落過雨，小…都唔知個天玩咩，落下停下！最後擔住把遮黎入場…唉！一行入去第一時間拎地圖…之後經過小鎮大街，一心諗住去睇個獅子王慶典，因為可以避下雨麻，點知十二點三先開始，於是就去左行泰山樹屋，個時仲落雨，好死煩！
第一次去個度行，幾多野行，仲可以影好多相架，不過落雨，都無咩心情影呀，影得幾張相，個人都濕鬼晒…唉！影得幾張相，真係好開心…可以有咁多野行！行完之後行返去獅子王個度等入場，勁多人係度等…企左成十幾分鐘先有得入去，不過入到去仲有激多位，食住野係度睇表演。真係好喇…個Show 幾好睇，D 人唱歌又好聽…美中不足之處就係我聽唔明佢地講咩，個故事都唔知講咩，哈哈…但總括黎講真係幾好睇！
之後睇完Show 又落過雨，真係好掃興，我都唔知個天仲要落幾耐！又要擔遮玩，真係好唔掂…我好想可以停雨。之後見又落雨，又想去睇Show…阿婷又話未睇過米奇幻想曲，我又未睇過…媽媽話幾好睇，我聽完又好似幾好玩。之後就諗去去拎Fast Pass…行去到先見到無野拎，一入去就得，真你好喇…咁順利！係門口等左陣就入去坐了…個度又好大，好舒服！開Show 即刻帶佢個3D 眼鏡…第一次感受個種3D 感，正到痺！真係好真實…幾好睇呀真係！無介紹錯呀媽媽…
之後見附近有野食，時間又剛剛係Lunch，雖然唔係算肚餓，但都照食…因為今晚Buffet，早D 食野，廢事咁晏先食…去左食野！好正…一人一份，仲有一份可以Free…早知就食少份，留肚食今晚個餐！食完行左去玩旋轉木馬，見岩岩食飽就玩下D 無咁激o既，仲影左好多相添！開心…哈哈
玩完木馬就去排咖啡杯，都幾多人！不過排左無耐就可以玩了…上到去係咁轉，都唔知媽媽唔係幾舒服，佢又無講到自己暈…落左杯後佢即刻去坐，個時先知佢唔舒服。佢話自己唔得，於是叫佢坐陣…我地就去左拎Fast Pass！之後拎完就去搵返媽媽，見佢仲係唔係幾得…於是陪左佢行去醫療室！叫佢休息一下…之後就同阿婷行下小鎮大街。好多野睇，又係度係咁影相…好開心！之後仲行返去玩個飛越太空山，有Fast Pass 係唔同D，咩都可以快D！正…唔駛排隊。都唔係好激，不過都好過無，幾正…不過影相位
捉唔正！>_<
玩完之後去左同D 公仔影相…有高飛、同埋個唔知咩鴨…跟著就去左搵媽媽，不過佢自己行左去買野！行返去搵佢，買左好多野食…之後就幫佢拎Fast Pass！不過拎完之後，媽媽話唔玩，算喇！一齊行左去搭火車…搭左好耐，坐係度真係好舒服！哈~ 坐左幾個站…Yeah！落左車，阿婷話要影跳跳虎，落到去唔見左。之後就搵小熊維尼影喇，排左都幾耐！影完Pooh Pooh就想去影米奇，但係比我搵到唐老鴨，阿婷即刻飛過去排…哈哈！等等下隻唐老鴨走鬼左，又要等…之前高飛又走左去幾分鐘！不過見係唐老鴨先等佢咁耐…之後終於有得影。開心死阿婷…跟著影完相就返返去搵媽媽了…本黎想玩埋巴士光年架，但係時間唔許可，加上自己之前玩過都唔係覺得好好玩，就算了！之後就走喇…走o既時候都影左唔少相呀，影得好開心！出左迪士尼都影，哈哈…媽媽又係攪野o既，係咁扮晒專業咁係咁就位，睇個景都睇左幾分鐘…個樣仲要好認真！大佬，普通相機黎架咋…佢影到咁Pro 仲話係架喇，個景唔得麻！^^
之後搭地鐵去東涌食Buffet，好野…有野食喇！不過去到個時已經係七點幾，明明約左六點半架麻，攪到我地張枱比左人…好彩即刻有返張比我地姐！之後就開始我地o既Dinner喇…好多野食，雖然有好多都唔係好吸引，不過甜品區個度真係有好多好正o既野食呀…但係無理由咁早食架喇，之後就食左其他野先！最好味都係魚同埋自己沖o既奶茶！真係好好味…阿婷仲食左好多野添，我媽媽係最快投降，佢係咁食晒D 比較貴o既野，哈哈！之後我都唔掂喇，就去食甜品…阿婷仲好努力咁係咁食，真係好服佢個胃，可以大過我…-_-"之後食到飽飽就行去搭車喇！E34 回家…阿婷返返屋企先再過黎搵我！
今日玩得好開心呀，如果唔係落雨，我一定仲開心，仲影得更多相…好想日日都係咁！有機會一定要再去過，不過等佢真係開晒先去玩…聽日我要入麻麻度，無得玩玩…>_<
|
