一個星期難得的一日放假，係成日唔駛返工呀，真係好爽。可以訓到幾點都得…不過我真係唔可以訓太耐，因為訓得太多，怕今晚訓唔到，第二日起唔到身仲死火…之後九點幾十點就起身了！應承過阿婷話一放假就整早餐佢食…之後起身煮尋日去買的早餐喇！有餃子同埋燒賣…我見得咁少就整多個薯餅添，好豐富。雖然整好耐，不過今次隻隻都見得下人，總算無煎爛。

食完媽媽就返了，佢買左Cake…食埋個甜品。真係正…食到飽飽！本身假期可以去行下街架，但係就黎考試，要溫書。無得去玩，放假都唔玩得，好慘…前排慈恩先叫我去篤波，唉！無時間…份工就係好賤，霸晒我D 時間。去到兩點鐘，爸爸媽媽就入麻麻度了，我就無入喇，一黎要溫書，二黎落雨，好煩。

之後係屋企溫書溫書再溫書。之後訓左個教，起身後同阿婷去左銀座買餸，仲去埋屈臣氏添。之後就上左阿婷度，順便再做Facial 喇，而家成日都做呀…今次佢仲佢佢D 私家野同我整，不過我都係唔知咩黎！haha~ 之後再落多次街買Mask，因為好抵做…順便陪阿婷睇下鞋…佢話想買好耐架喇！要黎襯衫…哈。買多一次衫就買多一對鞋…最後咩都買唔到，Mask 又無、鞋又無。只係買左D 豬頸肉鮑魚，我真係未試過Lei D 野食，好似唔係中學生咁！有機會都想試下…

送埋阿婷返之後我都返返屋企食飯了，佢地留左飯比我，原來今日無咩人入麻麻度，好彩我都無入。之後食飽就去沖涼，十一點幾就訓左了…聽日要返工喇！