唔駛返工…正！訓到自己識起身為止…不過又唔訓得太晏，訓得太多的話，怕夜晚訓唔到。之後起身整野比比阿婷…佢成日都話想食餃子，見今日得閒就整佢食。不過煎得好樣衰…算喇！食得落肚就得了…Haha~下次整得好D。隔左無耐就食薯片…媽媽買的！佢今日又出街入貸了，我是但拎左包黎食，可能食得太急，竟然食薯片都可以界到個口…-_-" 我諗割脈都可以用薯片。^^

阿婷三點幾去銀座百佳搵佢媽媽，我見又唔駛咁早出去就陪埋阿婷去埋喇！順手幫下手拎野都好…今日係母親節，阿婷買左支花比佢媽媽。之後去到百佳買左好多野…跟著行返去阿婷度！放低晒D 野就去左睇Now.com…睇Juno、睇Aaron！Yeah…之後好早就走了。

自己落左元朗，去左富軒搵麻麻…之後見到佢地係度打緊牌！係度教麻麻打牌，防止老人痴呆…之後打打下變左我地幾個細路仔係度打。哈…我可能係個枱最屎果個！-_-" 食唔出…唉！之後等齊人就切蛋糕了，有成三個蛋糕，一個買，兩個整…嘩！好正呀…個個蛋糕都好好味！我三個都食晒…一個燕窩蛋糕、一個芒果蛋糕、一個芝士蛋糕…食完已經好飽了，因為好"漏"。之後上菜食野了…今日母親節，成間酒樓Full晒，廚房整唔切野食…上菜好慢！等到我訓左添…唉！D 野食又差又難食…我對食都唔係好講究，但都可以話勁勁勁難食，可想而之有幾難食喇！糖水就真係糖加水就算…其他菜真係麻麻…有個仲離譜，落左糖當係鹽！總之差到痺…

食完之後就走了，見食都咁晏就搭的士返屋企了！因為爸爸無咩時間訓，所以要早D 返…返到屋企送禮物比媽媽，之後好快就訓了，明天又要開工喇！