一早起身，又係係度賴床…傾計…傾傾下竟然流淚！/_\ 開心到喊左出黎…好感動幾句說話！之後就起身梳洗，之後去左洗頭，洗完個頭已經覺得個頭好乾架喇，但係都照Gel，點知整到個頭勁勁勁旱…真係好唔舒服，而家個頭實在太長了，本身今日約左黃進去剪頭髮，但係今日要同阿婷出街，所以推左黃進！

好麻煩呀，真係忍受唔到就再洗多次頭，但係有Gel 係度，勁難洗！攪左好耐，本黎諗住同阿婷一齊返屋企的，點知要佢行先，我繼續整個死人頭！Shit…第一次比佢單獨走。攪左好耐，洗完又要等乾，乾左又要夾…好想個頭日日都唔駛理，真係好麻煩！就係因為之前個排無咩夾頭，同埋夾得唔夠…攪到而家個頭點夾都係唔直，仲要勁乾勁旱。無奈…

之後整左好耐先出得門口…上左阿婷度！等佢整野…係度同阿B玩，同埋係度睇雜誌！阿B而家成日都上張床度，可能係我o既關係，佢成日都上左去，唔肯落返黎！hehe~等左一陣之後我地就出門口了，野都未食就出門口喇。行左去銀座間大贏家度食麵，個度D 野食幾好…不過唔抵食！

食完之後就行左去搭車了，969出去…搭車時已經訓左了！本黎仲諗住去到上環o既時候睇下距離銅鑼灣有幾遠…最後係車度訓到去銅鑼灣先識醒，真係好好訓…未試過可以係車度訓得咁好，真係想繼續訓落去！跟著就落左車行左去銀座個邊，睇下Pink Panther，點知汁左…之後就行下銀座喇…好多野行！之後去左Sogo行…咩都行一餐。同佢係度睇衫，搵極都搵唔到…最後行去時時代度睇，睇中左，試都岩埋，但係最後一件，個件仲要有少少爛爛地，唉！最終都係買唔到…跟著又去Levis 度睇，去左個間Levis，睇足晒四層，果條牛王真係好正…不過勁貴+唔會賣！

行完之後返返Sogo 度睇，因為個度都有分店…行到去一件Pink Panther都無！唉~注定無…之後行下服裝部，就買左件Tee 喇！幾好…比起之前果D 好好多！又得意又靚…之後就行左去味千度食。幾好味呀D 拉麵，真係咩時候都係係肚餓o既時候食o既野都係最好味…食度飽飽就行返Sogo 喇，去左超市行，勁多野賣…阿婷見到咁多野食開心到飛起添！真係好笑…跟著就揀禮物比亞四喇。最後都揀到，其實由晏就出到去已經諗住買，但係好難搵到D 佢又岩又會鍾意o既，最後都係襯返亞扁份禮物一齊送！

之後就返屋企了，臨搭車時去左M 字橋度行左一圈，仲影左相添！成日都係電視電影度見到條M字橋，覺得好得意…之後就上左去行個圈喇…之後就搭車返了！係車度又訓過，勁好訓…訓到天水圍都唔願起身呀！最後都係死死氣地落車…真係好舒服呀訓得。跟著阿婷上左黎拎D野，跟著就送佢返去了！