Winnie 生日快樂…

今日十點幾十一點先醒，又係度賴床…哈哈！最後去到十二點先起身…之後梳洗。本黎諗住整少少野食，不過媽媽都差唔多返，所以就叫左佢買野返黎喇…我就去左曬衫！跟著就去食野了，食左半盒飯。之後就去換衫喇，攪掂好掊就玩左陣ICQ，仲約埋黃進一齊落元朗。

搭輕鐵去西鐵站等佢，點知佢真係無遲到，咁準時到左喎！呆左…之後就西鐵落元朗，個時已經知道會遲到架喇！點知去到都有得阿仁、阿暉、阿妖…阿Bee就去左拎蛋糕！仲未係最遲…之後等左一陣就打電話，打比個個都唔通，有點唔對路！最後打比阿釗…知道佢地剛剛係天水圍出，Shit！佢地一定係打機打到傻左喇…約兩點半，真係兩點半先出門口。之後無再係千色等了，行左去買野食先…

買完野食，行返千色諗住買野飲個D，但係諗諗下黃金果度先買都唔遲…又可以唔駛拎咁多！之後就絛買到，上返去地面等佢地喇…阿釗同Mandy 到先…之後阿昌、阿Ming、阿鋒最後先到！足足等左成個幾鐘…-_-"跟著就行去小巴站了，阿Bee 就去接細Ball同埋Winnie…十四人搭車…好似包車咁！最後去到咖啡灣落左車…本黎諗住係黃金度燒。唔知點解會變左咖啡灣，算喇…行左一轉都無爐，唯有租爐。

之後佢地成班男仔行去百佳買野飲同埋買其他野…係得我同阿釗無去到！之後阿釗買左包碳，叫人透埋添。等佢地o既時候係度傾下計，同埋玩啤牌。玩左咁耐未試過贏一局…佢地返黎之後就開始燒野食喇！明明約左兩點半，但係成五點半先開始燒野食，好彩之前打左底，唔係一定餓死！不過一開始燒野食都好肚餓喇，係咁燒係咁食，阿婷又係咁燒比我食…我諗最得最多應該係我喇！燒到咁上下，Paco 都黎埋…真係好耐無見了！

之後食飽左同阿婷出去行下，第一次行沙灘…感覺好正！不過阿釗成日都係後面跟住…好彩都無比佢地阻到。之後坐左陣影下相就返去了…咩阿婷行返去…返到去阿Bee 已經準備切蛋糕，但係要等埋阿釗！等左好耐，佢都未返，我就行去搵佢地喇…佢地真係攪得耐，唔叫佢地應該九點幾先返，哈哈！之後返到去就開始切蛋糕喇…食完蛋糕仲有西瓜添。阿釗兩隻手都係西瓜，比Mandy 撞一撞就成手的西瓜都趺落地了！好好笑…

之後就同黃進玩左舖啤牌，好難玩…輸死！之後無耐就返了，同埋阿昌、阿釗、Mandy 一齊返…^^搭的士出去三聖。估唔到連阿釗同埋Mandy 都有睇我日記，哈…而家先知有咁多人會睇！之後就輕鐵轉西鐵回家了…黃進就打黎問我打唔打牌，仲要通頂添！最後推左佢…一返到屋企好熱，即刻沖涼。連續兩日都BBQ，成身都係煙同埋蜜糖味…沖完涼就打下日記，去到兩點幾就訓了！