今日又係睇龍珠…近排都係咁過！不過成日都覺得時間唔係好夠用咁…睇到咁上下就同阿婷返左屋企換衫，之後食左少少野同埋飲左碗湯就落屯門了…預早左，所以慢慢搭車都得。落去陪去行埋入去可藝，感覺到有點驚，好似自己要去考咁。之後就走左去圖書館等佢了，坐左係度溫書，溫溫下仲訓左添！之後等左七點幾八點阿婷就考完，我就同埋佢一齊行左陣市中心，撞到牛丸，佢又考完了！

之後行左好多舖頭，行行下仲撞到阿四添。成日都見到佢，估唔到屯門都會撞到佢，真係唔知佢係唔係有心跟蹤我架，同亞扁一樣！之後行多陣就去左搭車落元朗，個時已經好累了！佢地係度打機，我地九點幾就去左食飯了！大排檔…好味，不過係太熱姐。算喇…Join 左佢地就叫野食了…都算多人架喇，係無女仔姐！有黃進、明賢、阿鋒、阿昌、阿良…個個都係食一碗飯，哈哈！一定唔飽架喇，仲要喝一罐野…更加唔夠喇！無耐阿仁都黎埋，吹左陣水就散囉。跟著就返屋企了…