好耐無打日記了，我諗我已經好多野唔記得晒架喇！都係盡力打得幾多得幾多喇…今日起身後又係溫書，咁多日我記得o既都係溫書，真係溫到傻…成日係度諗我溫書真係溫到咁多咩？我都唔知自己溫咁多黎做咩，我覺得自己都係吸收唔到，不過算喇，叫做盡下力咁…溫溫下覺得好熱，去左洗頭！點知洗完媽媽打電話黎，叫我落去幫佢拎野，剛剛洗完頭洗完臉就要出街了…>_<

行去o既時候已經出晒汗，個太陽就好似係我隔離咁…Shit！行到去見到惠康勁多人，真係勁多師奶係度搶野咁，而我媽媽就係其中一個！-_-"今日先聽佢話去百佳，又去左惠康。到拎野o既時候真係多野，超多…問返佢點解去惠康，唔係去百佳。佢答剛剛去左百佳，而家係惠康買抵…-_-"講到好似唔駛錢咁！

之後我一個人已經要拎四大袋，嘩！仲有百佳個D，真係……如果我無黎我媽媽都唔知點算。之後行返去D汗仍然係流緊出黎，唉！返到去又洗個臉…之後整左個午餐比阿婷食，食完就開始溫書了！阿婷而家日日都係食完就訓，訓完就食…哈！成隻豬咁…不過今日佢幫我溫左實驗，我仲即場要背默…錯左少少，不過我都覺得好勁！一次過要記咁多野…之後阿婷要返屋企沖涼。

我就係樓下等左陣…跟著同佢行左新北江一轉！好迫好多人…跟著就去搭車去阿Sir 度喇！仲有兩日就要去考喇…而家都係好多野都唔記得，點算？阿Sir 都話我地好多式都唔記得，同埋唔識運用，真係死火！得番個四十個鐘度就要去考喇…好慘呀。