今日訓訓下比阿扁打黎嘈醒左…九點幾打黎同我講話去打羽毛球！個時我仲係曚查查，都唔知點解會無端端打黎叫我打羽毛球。點知傾傾下先知佢同DT原先係九點度打的，但係阿扁唔知醒，所以無去到！之後就打電話約我下午去打喇，佢仲話激到DT 嬲添…-_-"搵我過橋！

之後起左身，玩下電腦，汁下野…之後就出門口了！阿婷今日帶阿B 去剪毛，無咁早會返…落到元朗遲左五分鐘！不過佢地都未開波，唔算好遲姐…哈哈！一開始就同個窿一隊，根直無敵…打左幾場就轉人喇，同阿扁一組！又係贏…真係好好玩…之後再轉人，我同DT 一組，唔係係唔係佢打波成日都打唔中的關係，攪到輸左…>_< 本黎諗住成日都可以贏晒，但最後都做唔到…

成個鐘頭不停咁打，真係好累，但係好好玩…好開心呀！^^之後就行左去食野喇…個窿就返左屋企！早餐未食o既我都唔係好肚餓，但都食左個餐，因為太口渴，反正都係就食埋飯喇…無耐，收到慈恩個電話，佢打黎話佢同魚魚無野做，搵我去打波，仲要係羽毛球，真係估唔到朝早打完，而家又要黎過…哈哈！之後答應左，不過未知幾點去…

食完野去左DT 屋企玩，打PS2…Winning 最後贏十二碼！哈哈~之後見到佢屋企有好多模型車，砌得好靚架，仲有埋車頭燈…真係好正…好有心機去砌，攪到我又想砌返部添…haha！之後打到四點幾就走囉…返返天水圍搵慈恩，上到佢度先知天水圍個場無得打羽毛球，要去朗屏先有…Shit！返到黎先咁講…

之後都無出去囉，係佢度上左陣網，佢地話仲好悶，我就陪佢地出去打麻雀，三隻腳！慈恩係咁贏…都唔似之前果個佢咁，都唔知係唔係有魚魚係度就唔再扮野，係咁贏返晒黎！玩到咁上下，唔打牌了…係度玩記牌，不過輸左比慈恩！唉~佢衰衰，佢出術，係咁睇D 底牌，都唔係真係用腦記o既，輸得好唔抵…唔係我一定贏架！

玩完之後就走了，行返返屋企…返到去沖涼，汁下自己間房、食飯、睇下電視，好耐都未睇過電視喇！之後就返房上網搵郭富城個廣告，因為今日阿扁同我講電視度有Aaron…之後就係咁Search，比我睇到喇！好有型…正。仲知道七月好似有個Show~ 好想去睇！正呀…諗起都開心。之後就出去接阿婷黎喇…仲係百佳度買定聽日的早餐同埋買D 零食！返到屋企上左陣網，睇下Jupas D 野…之後佢就訓左囉，而我就係度清下D 日記債，點幾兩點就去訓了！累死我喇，好耐未打過波，隻手好痛…