今日發左個夢…個夢幾得人驚，不過我唔記得左囉，總之令到我可以醒晒喇！真係幾驚，好真實…不過耐唔耐有D 咁o既夢都唔錯！夠刺激，真實到以為真係真架添…之後九點幾起身換衫去補習！一早就收兩個SMS，一個話唔補、一個話唔駛等…我仲以為無人去添呀！好彩之後Winnie同埋阿良都打比我話去緊！去到阿Sir已經係度，好出奇…仲見到個潮人，Bape Zip Up、Ape Tee、Levis Jeans、Blk Raygun SB…呆左！點知唔係補Chem 的，係中四補English~

之後阿Sir 話等到十一點先可以開始，我就聽住英文黎睇Chem 喇，又聽下Eng，又望下Chem。人齊後教D Chem 都明明地，不過一D 都唔熟，同岩岩新學無咩分別…進度慢過人，一條方程我用左好耐黎平衡…-_-"補完我就回家了！返到屋企無野做，食完米粉就睇埋林海峰個Show 的B 碟…有Aaron 上鏡，Good Good…睇完就上下網咁…去到五點就入麻麻度喇！

入到去先溫書，哈哈…食飯時因為溫書遲左出黎無位食^^食完就返房睇Bio 同埋玩下琴喇！之後無耐就出了…返到天水圍，行左去天耀幫慈恩買包。跟住就搵阿婷佢地，Then 直接上慈恩度喇！阿暉同阿鋒行樓梯，不過成三十一層我唔信可以行得咁快囉…之後就溫書了！又係Bio，而家日日都係Bio，總係覺得溫完過多排就會忘記晒！唉~之後改返篇作文又溫Bio。

溫溫下仲有雪糕食添…好味！今日又係度玩阿肥，佢D 動作真係好慢…無咩意識我襲擊佢！-_-"之後佢仲係度玩鞋…睇到佢個樣真係好Enjoy個對鞋！溫溫下係度傾計，阿婷好多攪笑野！一句【我平時都唔著褲o既！】…聽完嚇左一跳！*_* 其實係尾段都溫唔得入腦，係度傾計多！不過都好過係屋企連少少時間都唔去溫書…之後十二點幾就走囉！返到屋企沖涼就打日記囉…而家個頭都乾晒囉，可以去訓了！今日求完人，聽日可以打電話叫人起身喇…-_-

都唔知點解一定要我貼出黎？