尋晚訓個時已經覺得有D 唔舒服，無耐就起身走去嘔了…嘔完係舒服返，但係訓多陣又走去嘔，食左咩就嘔返咩…都唔知係冷親定係食錯野！訓到三四點又想去嘔，媽子見到就沖左D 野比我飲，飲完好返D，之後就返房訓了…但係訓極都訓唔著，好唔舒服呀！真係嘔到我死下死下…-_-"七點幾媽了起左身，我就打個電話叫慈恩起身…八點又打個電話叫阿婷起身！之後就訓了…

今日成日都係訓教、起身…起左身就睇下林海峰個Talk Show，之後又睇下Chem咁，但係一睇就好眼訓…於是又訓返！訓下醒下訓下醒下咁…好慘！成身又無晒力…好累！想訓返又訓得太多…都唔知自己想點，想睇醫生，但係又唔願出門口…唉！腰酸骨痛…之後媽子返黎後幫我探熱，佢話我有燒…一定要去睇醫生！之後就沖左個涼出去睇醫生了…沖完涼成個人好精神，之後去到醫生度探熱又無燒了！唉~被媽媽騙了去睇醫生…仲有好多藥添，但係我而家真係唔覺有咩唔舒服。

幾日前數過D利是錢…今年逗得少過上年！一千都唔過…

近幾日經常係度諗人與人的相處係唔係要有謊言先可以維持呢？身邊聽過好多謊言，唔知邊D真邊D假…攪到我都唔知點算，其實我都唔係好明，對住我講大話有咩用呢？我真係唔知點解…總之我覺得好可怕！