七點鐘鬧鐘響，打個電話叫醒慈恩…估唔到打比佢，佢剛剛起身可以咁精神，而我就繼續訓返！到左07:45就打比阿婷，個時我都仲未願起身…>_< 好累！之後約左慈恩08:15 輕鐵站等…唔想遲到的關係咩都冇整就出門了！下雨天，真麻煩…咩都要預早D…

慈恩同佢的魚魚一齊黎…跟著去到西鐵佢地就要去屯門先，我就等埋阿婷就搭車…阿鋒剛剛起身無耐，好彩阿良起左身，仲出埋門添！去到自修室係勁少人，真係幾點黎都一定有位…未試過見到咁多吉位！D人一定係去食團年飯，唔想出黎溫！我地放低書包就去M記早餐了…本黎想食個包算架喇，但係之後食左個餐！真係慢慢嘆，今天的自修室唔會趕人，因為太多位了！

返到去，阿鋒已經到左！正式開始溫書…中化睇到我勁想訓，好彩有慈恩係隔離係咁叫醒我，唔係真係頂唔住！溫完中化又做Matching…好深…我想我自己真係好多唔識！今日溫書時間真係唔多…真係好少，好快就Lunch了！聽住Listening 黎食飯…根本就只係睇到前面個D，其他都聽唔明！真係Shit…

食完飯就Oral…自己的Oral 真係好麻麻，根本就啞口無言個種，完全表達唔到自己想表達的意思！之後完左就返返自修室了…一返到去就去個廁所，之後就同阿鋒去左機舖…-_-"見到阿良都出左黎…哈哈！之後就打機了…打左一陣就糾到慈恩SMS話阿婷同埋阿鋒走左囉！於是我地就返去問下慈恩仲溫唔溫，溫就繼續，唔溫就可以打機…之後佢就同我地去打機了！打左幾蚊度我就無玩了…睇佢地係度玩P.H同埋槍Game，慈恩係凌殺成D 人質，真係好笑…亂射的！

玩完就走了，陪慈恩去左銀行，勁多人，係咁搵少人的地方，最後佢都係入唔到錢的…之後又同佢買餸，途中同佢的對話都係用英文…好白痴的英文！我自己接受唔到咁低水平的英文…>_<跟著就西鐵回家了！係西鐵度我已經累到死下死下架喇…真係勁勁勁累！因為係機舖到而家都未坐過…之後係西鐵即刻坐，到站都唔願落車！

送埋慈恩返屋企，又係佢屋企坐…真係勁累！順手拎埋張Card…之後睇下佢電腦的龍珠咁，玩到唔知時候要走(因為八達通未出站)…唔知點解我仲要俾阿肥抓左一下，見紅！-_-"之後我就走了…返到屋企已經五點幾喇，衫都唔駛換就走了！入到麻麻度，都未食飯…

到食飯個時大人枱個邊係咁講我細妹D 野，成屋D人而家都知了…個個都唔知點解我個妹會咁，教又教唔到！真係Shit~到最後都無人同佢訓話…之後食完飯，麻麻話開煙花喎，因為仲有一舊未放，我諗舊煙花應該有七八年歷史了…十年都黎緊！點煙花的重任由我負責，事前先影返張相先…之後就點喇！舊煙花虫耐歷史了，唔係好靚…同埋都唔係好多，唔係幾夠喉！^^"不過有得點煙花都算係咁…幾好玩！有多D 仲好玩…之後返到屋企沖涼，好早就訓左了…太累了！