10:25先自己識起身…仲諗住阿婷會打比我叫醒我，點知佢都係剛剛訓醒！反正都知自己遲到，所以都唔係好趕…點知出到廳時，見到有張紙條，睇左之後我真係喊左出黎，好感動…認識我的人都知我細妹係一個咩o既人，佢寫左一張令到我好感動的紙條出黎…我睇完真係喊左成五分鐘！我對自己講過唔會再喊，但係見到佢寫自會改變的一大番說話，我相信老豆、媽子見到都會流淚！之後由於趕時間都無理到咩一回事…返到補習都冇咩心情！因為尋日老豆同我傾電話，佢話出左旺角搵媽子同埋細妹，我都知係有D野架喇…補習時都心不在焉！

之後補完返屋企，途中買左張獎券，如果唔係個小妹妹叫我買我都唔會買…我連最後個十蚊都買埋囉！^^ 個妹妹真係好叻好得意…之後返到屋企咩人都冇，佢地出晒街…之後返到黎時，已經話報警乜事乜事咁…我個時都係知得少少事，之後屋企個電話同埋老豆、媽子的手機都響過不停…成屋的人都係講電話，一個就姑媽、一個細姨、一個大陽報…我個時都係知少少咁，只知好大件事喇…

跟著都係D 家事，唔方便講咁多，總之好嚴重，打晒架…備晒案，今朝仲以為個細妹真係改變，點知唔會，今次單野由係佢攪出黎…我對住佢我真係唔知有咩可以講，有咩可以做…我真係極憎佢，咁唔生性的人真係好無用…如果佢唔係我細妹，我一早就打醒佢喇。之後攪完一大輪，佢都仲係唔醒覺…仲要幫外人講好說話，我真係到而家這一刻講起都火爆！佢就好似比人洗腦咁，連老豆老母都出賣…Fuck~ 咁o既人都有架？ 個一刻的心情我真係用唔到咩文字表達，我想打柒佢，打死佢就唔駛煩…

全部親戚都知道，係度教佢，佢都仲係唔知醒…我我我我我真係想打到佢實一實…仆街！好撚火…之後我都無眼睇喇，七點約左阿婷去M記溫書，我都唔駛理屋企D 事，反正我而家都唔係成日係屋企…出到去溫書都係麻麻，因為好嘈！不過好過係屋企…之後溫到差唔多關門就走了，去左活力城玩左一場賽車，唔係頭文…>_< 完全唔刺激！之後就送阿婷返屋企了…

返到屋企佢地又係度嘈，係咁教佢都唔聽…我真係對住佢只有灰心，我無能為力，教佢都唔聽，我真係覺得這個世界上係無一個人夠我細妹壞…真係無！如果有，麻煩你講一聲，我想睇睇有幾壞…不過我好有信心，我細妹係第一名！