今日又係四點九度起身…但係尋晚成兩點先訓，訓得三個鐘度！好累好眼訓…好唔想起身！之後睇睇下筆記，見到出面個天開始光，幾得意！忍唔住影左相…真係好藍呀個天！溫到七點已經無再溫囉，打比阿婷叫佢起身返學教我英文^^" 今日我仲早左出門，又係慢慢行，點知返到學校阿婷比我還早…真係估唔到！佢今日帶左四本書比我讀…D 野都唔算少，對於我這些程度的英文要睇咁多，真係唔少野！

返到上課室，已經係度諗點作文了…朝早可能訓醒個人唔夠精神，作埋D 野我自己都唔明o既…又寫過！去到English lesson…我就溫返阿婷教D 野，之後Miss 係堂上面玩Oral…開頭我一D 都唔驚的，但係愈玩愈緊張刺激！^^最後都無叫到我…好好彩！因為自己咩都未準備好…跟著Bio 都係如常地做P.P，一年的P.P 足足做左幾日！進步好慢…>_< 不過又真係未溫得晒書住，攪到好多都唔識！好苦…

到左Phy 堂，已經唔去一樓了…落左地下作英文作文！初時係得我同明賢，點知之後佳佳、Jerry 又黎埋…黎完之後慈恩、純真真黎埋…哈哈！我覺得自己的影響力都唔細喎…hehe~~攪左兩堂文都係作得幾句…因為實在好難作呀導於我黎講，同埋其他人個個都係溫Chem，之後作作下文點知個心跳左去Chem 度，睇返D 轉變過程又好似唔多記得咁了…掉低得太耐喇！

之後Lunch 完返黎上Chem 堂，今日係D 咩精修班，做P.P…但係無中文版！怒~最後三堂Chem 無做過P.P ，係度睇英文，同埋諗作文…做做下比Miss 話…不過佢都係話幾句算，我咁難得先會溫英文，Miss 都知我平時少接觸英文，而家咁有心機做，佢都無阻我。但係但係我真係做到火都黎埋，諗極都諗唔到點表達自己意思，真係好嬲…一段仔的作文作左我成日都未完成。>_<做做下野時，又同下凌進傾計，初時都係問英文，點知傾傾下傾到十八鄉之前D 野…最後個半小時都係輕鬆下傾下計算了！^^

放左學後，細Ball 話要補習，於是就行去補了…今日係有機化學，都係之前Miss 講D野黎，佢只係幫我地溫下書，加深一下D 概念…聽完好左好多！但係仲未好敏感…要溫多D 先得。而家咩科都要溫，真係發覺係唔夠時間架…都唔知點解班度好多人都好似好輕鬆咁o既…可能佢地個個都底都無我咁屎。

之後補完就同慈恩同埋阿良行返學校…阿良請左好多日假，於是佢唁返學校，怕比人見到！得我同慈恩返學校溫書，無耐阿婷就返返黎再教我英文了…本黎我要做好多野，但係補習的關係令到我無咩時間去做…阿婷返到黎，教我Listening…同埋作個段文的一小段！嘩~ 溫到成個人都無晒時間觀念…去到九點幾先係學校離開，之後再去KFC 教埋Matching 就走了…西鐵回家！

係搭西鐵時要溫英文生字，個時仲以為係九點幾喇，點知原來唔經唔覺已經十點幾了…真係唔覺時間咁快過左！最後我都只係係西鐵睇左少少生字！-_-" 返到屋企食飯，已經十一點幾了！食完去做Listening~ 剛剛想聽時點知好眼訓，於是訓左一陣，阿昌個時又打比我，好彩有佢，唔係我怕我自己唔知訓到幾時…之後見訓得一陣都唔夠精神，咁就去沖沖涼了！沖完就返去聽Listrning~好多都聽唔切，真係要聽得準，寫得快，諗得仲要快先可以做到！最後都係做左一次，極多空白，無咩心機就去左訓了…實在太眼訓喇今日。