今日成五點先起身…真係好累呀這幾天！訓多半個鐘，一朝早覺得好精神，係西鐵站等埋阿婷一齊返…都唔記得係唔係我等佢了！今日落雨，好煩…想行住黎睇書都唔得，又要擔傘，睇書又怕整濕喎！真係激氣…返到學校直接上課室溫，落雨九成九唔駛排隊。溫英文…-_- 不過已經唔記得溫咩了！真係無咩記性…

頭三堂Eng Test，做左頭廿幾條勁眼訓…又唔係好識，所以訓左！之後被阿婷叫醒做最尾個幾條…見到有d 熟口熟面，之後就做了！愈做愈精神，之後一口氣做晒佢…做完之後就溫書！又係英文…我已經日日都溫英文架喇，仲要一溫就溫好耐個種，而家好似放棄晒其他科咁…跟著Chem 堂聽書，做數，咩都唔識！>_< 真係好晒時間呀…磨到落堂！

之後中化就睇片…我地個組未燒得切碟，所以咩都做唔到！介紹都無…頂，個Miss 唔知係唔係有病架？人地組組都係睇片黎介紹，佢地只不過係張完整的影片剪短佢之麻…我地個組都未燒碟出黎，又點會有介紹…又話我地絛準備，分都唔比！好串…仲要我地出黎介紹，介乜鬼架…明玩我地，分之麻…唔要咪唔要囉！

之後Lunch 去左搵阿Sir，途中去左停車場睇車，如果唔係睇車，我諗已經買左野食，成個傻仔咁係阿Sir 屋企門口…不過好彩唔係咁，係行去搵阿Sir時去左遵理睇下D資料…搵到阿Sir 個樣，好得意個樣…張相汁得好靚！忍唔住影左相…^^

去左富豪搵阿Sir 之後出去搵阿Bee、無耐又搵慈恩。食飯途中阿Sir 係度講相學，幫我地睇相，講左好多個都幾準…D 女仔就係咁問阿Sir 野，好似真係當阿Sir 係神仙…^^之後阿Sir 無端端話埋我個份，話我係好男人…-_-" 無話要睇阿Sir 都講埋出黎！>_<"
之前話我係o既話我都會認…但係而家話我係好男人，我相信我而家唔係囉！好男人真係好難做到…世界上可以話係無好男人、無好女人！就算有，都好難搵！

食完就去左同阿Sir 影印，點知到我比錢時，我比左$103.2佢…佢話係$20.1，之後我唔記得拎錢就走左，個條仆街真係賤到爆，無找錢都唔提我…我走左佢都唔提喎，真係賤到仆街，我未見過咁樣做生意o既人…真係吊拿星！八十蚊都唔找…仲想扮唔知！真係激氣…好彩自己記得未找錢…返去o既時間好彩拎得返，唔係真係好白痴！

之後行去阿Sir 度，唔知點解真係好似未試過人齊，今次細Ball 無黎…永遠都好似D 椅岩岩好咁！補o既時間都唔眼訓，係D 煙整到隻眼好乾、好累…唔知點咁！真係好辛苦…好想隻眼休息…之後補完就行返學校溫書！所有人都有去到，係阿良唔返姐…返到學校，又係英文呀！而家真係日日都有溫英文…短短幾日，筆記已經寫左六頁度喇！都算唔錯架喇…返到去做左個Matching，好慘！唔識合併返D 中文意思…又Match錯晒！好似又作下文…學左唔少生字！

溫到八點半就去左KFC 繼續，本黎覺得自己好多貨…點知十點左右就頂唔順了！同阿婷話要早走…真係好累好眼訓，如果KFC 有床係度，我一定唔駛三分鐘熟睡了…>_<之後西鐵回家，又係Oral 時間…幾充實！跟著送埋阿婷返屋企先搭車回家…途中又係Oral~ 如果咁樣o既進度，我諗E 都有少少機會掛！

返到屋企好眼訓，真係想死…Listening 都係聽左無做到，之後入左MP3 度就去訓了…終於有得訓耐D 喇！