四點半已經起左身，本黎尋晚叫老豆四點半打黎叫醒我，點知自己起到身喎！真係好難得…之後梳洗睇English，真係睇到好悶！去到六點幾老豆先打電話黎叫我…靠佢真係死囉！之後食個早餐，汁汁野就出門了…阿婷特登咁早返黎都係為左教我英文！好感動…未早會已經要做個腦好記野，真係未試過咁瘋狂！雖然係D 基本野，但係我都唔識…要記Format，又要記句式，記憶許可的話記埋生字意思…

頭三堂中化堂係度做聆聽，真係好累，好想訓！不過我都死頂埋佢，做完左個聆聽又做埋個測驗，都起碼叫做有野交喇，同埋學左評論的格式！太好了…如果掌握得好，可以唔駛咁早溫中化住！^^係聆聽同埋測驗其間，我見到大半班都係訓左教…真係未試過咁多人會訓呀…好壯觀！

之後Chem 堂聽左兩堂有機化學，但係都唔係好識，雖然大多數都係同物理化學差唔多，但係都唔係咁識…到而家都仲未買書呀^^"睇黎我都唔會買架喇…無機同埋物理兩大課我都未攪掂，溫黎都無咩用！跟著落左去Chapel 睇片，我拎埋英文落去作文…作得好辛苦，無咩貨！攪到篇文係好似由中文轉做英文一樣咁…

Lunch 完左返返黎真係上UE…Miss 唔知係唔係教返D 基本野咁，我都有上堂呀，好難得…仲抄埋筆記！點知Miss 用足成堂教野，連Oral 都無時間做…^^放左學留左係學校溫書！阿婷又繼續教我英文…佢而家無論朝早、小息、放學，咩時間都教我英文，真係多謝晒！希望我自己真係可以努力D 爭返啖氣…可以令到自己英文改善一下！

溫到咁上下，黃進叫我去拍野，中化個D片差少少連接位未拍，我地就上左天台度拍，又係咩稿都無，即場所有人係度諗…諗完出黎覺得幾好笑，OK 的話就即刻拍了…但係都用左好耐時間去拍！拍完又落返去溫書…又係對英文，如果有一日我真係可以唔討厭英文，仲可以好有心機咁對住的話，我想我已經有很大的進步了…之後黃進不斷係度諗點可以令到D 片過落電腦度，其實我地組最做得野就係佢！無左佢我諗我地組真係而家最多都係得份書面報告咋！

最後搵唔到老師幫手，只有放學時我地拎比阿昌去整喇！之後三條友就西鐵回家了…而我就特登去到銀座落車行去酒店度睇法拉利，Wo~ F355 黎架…好型！真係超正…本黎想睇多幾眼，不過架車附近有人…只係影左幾張相就走了！返到屋企都已經八點幾了…食埋野沖埋涼就去溫書！連日記都無打…攪到而家係咁打日記…>_<