零晨四點幾校左o既鬧鐘響都起唔到身，一野就Close 左個響鬧，但係個電話就唔記得合返埋，點知訓訓下訓到五點幾唔小心按到數字鍵，打左去比老豆！之後就成個彈起身，好彩電話無Save 其他人的電話係快速鍵度，唔係嘈晒人就唔好意思喇！之後老豆打返比我問我打比佢做咩…個時成個人已經醒晒！

之後梳洗，去左溫書！初頭唔係幾慣，但係溫耐左就無咩眼訓的感覺，同埋一眼訓就去食飯，做其他野等自己精神下…平時差唔多七點九先出門的，仲要嘭嘭聲個種，而家唔駛囉！可以慢慢黎，好輕鬆咁返學…一返到學校就上左課室訓了！今日帶Daily Con，睇野唔多清楚…成日都好想訓！

頭三堂中化做演講辭，我竟然真係做比Miss…無溫到書！>_< 跟著Bio 堂又係度做P.P…我成日都比Miss 話呢！其實無Miss 解釋，真係唔知個答案係可以咁黎…怒！

之後吉堂去左一樓，睇下阿婷比我o既Bio 筆記！有中文版真係好好多…唔駛成日都睇唔明D 英文！Lunch之後PE 度去左踢波，不過首先係拍野…拍埋D 好白痴o既野，發覺自己真係唔適合做旁白…講野唔夠流利！之後就落場踢…踢七分渺得勁耐！開頭同埋中段真係累到郁唔到…之後由於中段係咁休息，所以尾段都有返D 氣…最後險勝一球！(這場比賽係輸賭野飲的…)^^

踢完7B D人話跟隊，但係我地成班踢完都無晒氣…最後都無踢到！跟著就上返課室拍埋最後的東東了…今次有埋阿仁同埋明賢係度，拍野進度快左好多，但由於仲有好多野要拍所以都係拍得好耐！今日拍的片好多都搵人客串…我地又不斷係度諗下D Gag出黎！真係無咩係認真跟返唐山的情況而做，直頭係全部都係我地自己改晒！

拍到成七點先走…真係好累呀！返到屋企都已經八點幾了…沖完涼食埋飯九點喇！之後又要洗Con，同埋"的"起心肝行去書枱前溫書，做左一篇Matching 咁大把！>_< 之後寫下筆記就去訓左囉…今日雖然好累，但係走去訓時又唔係好眼訓之喎，真係頂呀！