一返到學就上左課室放低D 衫褲…之後落返去排隊！早會完左就上Bio 堂，去到課室就做Past Paper，對返之前做個D，錯得都幾多下！之後就做埋Part B，自己都覺得今堂真係幾留心咁聽，因為係P.P 的原因，所以都無咩玩，認真去做！最後差一小題未做就已經落堂了！

之後CLC 唔知睇咩片，我就同明賢用阿Bee 部手機篤波，玩左五六場贏得一場…-_-"之後Chem 堂開頭都有聽書，之後同明賢傾傾下傾到我細妹，傾到書都無聽，一講起佢真係成個人都滾晒！最後Chem 個少少都有聽，好頭好尾！^^

之後就已經係放學了，今日要補習，阿Sir 仲叫我地去一齊食Lunch…之後我就係班房換衫，陪埋阿良去Games個廁所等佢換衫，之後去左金威打機，因為阿Sir 就一定遲到架喇，已細Ball 又未咁快，阿Bee 同埋Winnie 就去買衫，而阿婷就唔陪我地食Lunch，所以同阿良去練車！都係玩得一兩場就已經被細Ball 吹，佢話就到喇喎…點知我、良、Bee、Winnie 到左，佢地都未到！

食左個餃子、牛展拉麵，ok好食，起碼好過上次的刀削麵。食完就上去補習了，初頭講返之前教個D野，幫我地溫書…之後教焓階圖，係計數到有少少問題，同埋未溫過…之後補完就走了！同阿Bee、阿良去左打機，第一間金威Full 左，之後京拿Full埋…最後去金星，總算有位，打到六點左右就走了，因有人跟機，之後我同阿Bee 都去剪頭髮，而阿良就去補習！

同阿Bee，去左髮名家，勁多人…等左好耐先有得洗頭，洗完又等好耐先有得剪，到剪個D 我真係唔知點剪好，之但話修修佢，之後諗諗下都係唔好，我想再薄D，就叫個師父剷，好在之後我話自己係學生，佢先剪得無咁誇張，剪完之後都係是是但但睇過就算，個度好唔自在，同埋隻眼好唔舒服…

之後就走了，個頭麻麻地，係剷得深在少少，不過個間野D 服務態度真係好…不過我都係覺得剪得麻麻地，可能我個頭的問題…跟著送埋阿Bee 搭車…之後自己一個去金威打機等阿鵬佢地，去到有兩個位喎！打左五六蚊都無再打囉，玩極都係咁屎，真係慢到嘔，比其他人慢左成三十秒…我諗真係要交好多學費先可以練好手車！

之後七點幾B 樂第一個到，之後阿正、阿鵬同埋肥霍個D 都到晒！佢地就要打一陣機先…我都冇打了，企係度睇人打頭文，個書包真係好重，>_<！十點幾就去食飯了，去左食米綫，補祝肥霍生日…個度真係幾抵食，三十蚊都唔駛就食到我飽晒，超抵食！食完又返金威打機，我只係打左一場Winning…之後都係睇人打機，無耐就同阿正走先了！

同阿正搭輕鐵時傾下閒計，遲下年宵有時間的話都會出黎幫下佢地手！^^阿正遲下仲會讀返書，令到我有決心一定要考好個AL…之後返到屋企都好夜，沖埋涼攪掂晒D 野就訓囉，聽日仲要早起！>_<