今日諗住四點幾起身溫書，點知唔願起身…唉！訓左成七個幾鐘…起身後又係好趕時間！返到學校上左課室放低D野就返落去排隊，今日好多人都上左課室，係早會比人鬧。-_-跟著頁頭三堂Bio 第一堂用黎教書，無咩心機聽，訓下教！之後個兩堂就做P.P好多都唔識做，而家o既Bio都只係溫得個一成多…唉！仲要好唔熟個種…頂！

吉堂落左一樓，本黎想溫Bio，點知佳佳同Jerry係度捉琪，攪到我都想玩，玩左咁多局，無一局贏！唉…到左UE堂就對返上次的測驗，極低分…好有心機抄返D 答案，因為想下次溫下英文！聽返又好似好容易，但自己做的話又好難！>_<

Lunch 換左衫去打機，飯都無食！因為阿Sir 又話唔駛補了…>_<去左金威，點知頭D Full 晒，打左局KOF 可以贏到一場呀…Woo~之後去左桌球城個邊玩，剛剛有個頭D 位…之後開左架新車，EVO…玩左一陣黃進佢地就打黎話去金威！去到頭文仲係Full，個個都係度操架車！之後有機會玩o既時間，我玩幾幾局，黃進又玩幾局…去到阿Bee o既時間唔知點解開左挑機Mode，之後比人蝦，條友好臭串！我地輸左之後就無玩了，比左第二個人玩，贏返條好臭串o既友成條街，抵佢死，係度蝦新仔！

玩左我地就落去X 了…去到X 我又比人挑頭文，都唔明點解成日都被挑，咁樣贏人地光彩架咩？-_-"無奈！之後我咪又走唔同人挑囉，去左打籃球！勁屎…Then 返返去再頭文，今次慢慢選擇，一定唔同人挑機了…玩左幾場，成績麻麻！到而家為止都係制霸左妙義…>_<之後玩到咁上下就返去同黃進踢波！我入到波，仲要係最佳金球…真係正！

跟著就係咁玩籃球喇，黃進用左好多錢係籃球度，係都要過150…最後一局先可以玩過，但係都係得24x左右…真係好唔掂，人地一個一玩都已經256了！>_<玩完又走了…係People個度睇人Sell野，好似幾好用咁！不過最後都無買到…

新手一名