新年又到…Happy New Year~

尋晚兩三點訓…但係四五點收到Msg~ 被嘈醒！今日本黎要10:30 去補習，但係我就10:43 先起身…嘩嘩嘩！起左身真係用最快最快的速度梳洗，10:55就出門口了…之後仲跑去搭專車！去到新北江又跑，點知係補習社外見到細Ball 同埋阿Sir 仲慢慢行！哈~ 仲以為自己係最遲果個，原來佢地兩個仲遲過我幾秒！之後入到去發現良、Bee、Winnie 都到左，本黎今日應該有七個人…但係尋日慈恩話起唔到身，阿婷話喉嚨痛，結果都係得返我地幾個係度補！

遲到真係唔係幾好意思，不過次次都發現阿Sir 都遲！加上我近排真係唔知點解咁想訓，訓到成十二點幾先自己識起身！>_< 補完就返屋企了…下堂就要交錢喇…真係快！>_< 好彩另外個邊Chem 唔補了…返到屋企玩電腦！成個假期真係除左要補習會拎起筆記之外，其他時間都………之後上網睇到東方有成頁Aaron 的訪問，正正正！到左五點幾就換衫了！

今日要去酒樓喝宴…婆婆生日！今日係新年，又係星期日，極多人…上次擺都有間房間出黎，今次就無！>_< 去到的時間都未齊人，係度等…本黎話七點上菜，但係18:55都仲有大排人未到！哈~ 之後睇睇下D 大人打牌，愈睇愈想打，叫左媽子同埋細妹去打…三隻腳打牌-_-" 都玩得好無聊！不過玩左三局贏左兩次…^^玩完麻雀D 人都差唔多齊…上菜了！

D 野上得極慢，可能多人的關係…食到最尾個菜都係咁肚餓！之後都係食麵同埋食壽包糖水填肚…食完就好快返屋企了！返到屋企睇叱吒…Juno首雌雄同體拎獎…幾勁！不過佢D 現場真係麻麻…但係首歌真係好難唱，佢真係好努力攪音樂係今年，最近個首【濛】真係無得頂！而無賴都得到獎，一早估到，但係邊會咁低架…-_-"計播放率真係覺得係903 d DJ 話事…

睇到成兩點…覺得賽果幾OK，但係就女歌手係Joey 都知咩事，我相信今年Joey 都無咩特別特出，只係成日被英皇宣傳咋…覺得佢唱歌只係得過高音，同埋首首都係K 歌黎…我唔係幾服佢！反而男歌手我覺得真係做得幾好…Eason 拎真係最好，睇佢唱現場真係好正！特別係浮誇…但係被無線Cut 左一段！>_< 聽唔晒成首！